Nakita ni Ibarra ang labiháng kayugót niadtong alaut nga babaye, ug iyang gipangutana kon unsay tuyo niya.
-Nga tuhoan mo nga ikaw gihigugma nako kanunay! Si Crisóstomo mipahiyúm nga masulub-on.
-Ah! ikaw nagdubaduha diáy kanako, nagduhaduha ikaw sa imong higala sa pagkabata, niining higala nga wala nagali- múd kanimo bisan sa iyang labing diyutay nga hunahuna!- matud sa dalaga sa dakúng kasubó.- Nakasabút akó sa imong hunahuna! Kon ikaw masayud sa akong kaagi, sa masulub-ong kaagi nga gisugilon kanako samtang ako nagahigda pa sa baníg, waláy duhaduha ikáw abutón gayúd ug kaluoy kanako ug dili mo na kataw-an ang akong kasakit. Ngano ugód nga walá mo pasagdi nga akó mamatay sa kamót niadtong waláy hibang- kaagang mananambal? Ikáw ug akó nabulahan unta! yon:
Si María Clara mipahulay ug makadiyót ug unya mipadayon:
-Sanglit gipugús mo man akó kay nagduhaduha ka man kanako, nga pasayluon akó sa akong inahán! Usá ka gabii niana, samtang ako nagahigda pa sa banig, nagaantus sa daghang kagul-anan, usá ka tawo mitug-an sa ngalan sa akong matuod nga amahán, ug gidid-an akó niya sa paghigugma kanimo... gawás kon ang maóng amahán ko mopasaylo kanimo sa pasipala nga imong nahimo kaniya!
Si Ibarra nahasibug ug mitan-aw nga nalisang sa dalaga.
-Oo, mipadayon si María Clara;- kadtong tawhana miingon kanako nga siyá dili makatugot nga managminyo kitá kay nagadumili gayud konó ang iyang konsiyensiya ug tingali mapilit siyá pagsangyaw nga akó iyang anák bisan makahimo dakúng eskandalo, kay ang akong amahán maó man si...
Ug mihunghong sa dalunggan sa batan-on usá ka ngalan sa tingog labihan ka hinay nga kiní da maóy nakadungóg.
-Nan, unsa may takús nako mahimo? Palabihón ko ba ang akong gugma kay sa handumanan sa akong inahán, sa dungóg sa akong uloamahán ug sa maayong ngalan sa akong amahán nga matuod? Kon kaná akong buhaton, dili ba ang mga tawo, lakíp ikaw, motamay kanako?
-Apan hain man ang imong mga kamatuoran? Aduna ka bay mga kamatuoran niana? Nagkinahanglan ikaw ug mga
