Gilutos siya sa duha ka sakayan: sai tubig nakita ang agi sa mga sakayan nga nag-anam kalayo sa kang Ibarra nga nagpaanud-anud sama sa biniyaan. Inigtungi isa ulo ni Elias aron pagginhawa, dunganan dayong pagluthang :sa mga sundalo sa duhaka sakayan.
Ang gukdanay nagpadayon; ang bangka ni Ibarra didto na sa layo, si Elias nagkaduol na sa daplin, may kalim-an na lamang ka dupa. Gipangapuyan na ang nanagbugsay sa mga sakayan, apan si Elias gikapuyan na usab kay nag-utas na man siya ug tunga sa lainlaing mga dapit aron dili hitungnan sa bala sa nanglutos kaniya. Sa tubig dili na maila ang kimya sa iyang pagsalum. Sa katapusang pagtunga ni Elias, didto na siya hikit-i duol sa daplin, sa may napulo ka dupa ang gilay-on; giluthang siya ug... unya, nanggagi ang pipila ka gutlo wala nay miusab pagtunga ibabaw sa tubig sa lanaw.
Human molabay ang tunga sa takna, usa ka mananakay miingon nga nakita niya nga ang tubig duol sa lapyahan natina sa dug6, apan ang iyang mga kauban milingolingo sa ulo, wala laway nasayud uyon kun supak ba sila niadtong gisugilon sa ilang kauban.
