an ug nangayo nga makigsulti dihádiha sa abadesa ug motan-aw
sa tanáng mga mongha.
Ginaingon nga nahitungha usa ka mongha kansang saput humod ug nagkagidlay, nagahilak ug nagasumbong mga butang makalilisang ug nangayo sa tinugyanan sa Labawng Punoan nga panalipdan batok sa mga pasipala ug pagdagmal kaniya sa mga maut didto sa sulod sa kombinto. Ginaingon usab nga kadtong monghaa maanyag uyamut, nga ang iyang mga mata nga mata- hum ug makabibihag kaayo wala pa igkita bisan diin dapit.
Ang mongha wala tagda sa tinugyanan sa Labawng Punoan: kini nakigsulti sa abadesa ug unya gibiyaan niya ang alaut, bisan pa sa mga hangyo ug mga luha niini. Natan-aw sa batan-ong mongha nga alang kaniya ang mga ganghaan sa kombinto gi- takpan sa pagpauli na sa tinugyanan, sama nga ang kondenado magasud-ong sa mga ganghaan sa langit nga takpan alang kani- ya, kon ugaling sa kapulihay ang langit kawad-an man sa kaluoy ug mahimong mapintas ingon sa mga tawo. Ang abadesa mi- ingon nga kadtong mongha nabuang.
Ang tinugyanan sa Labawng Punoan dagway wala masayud nga sa Manila adunay hipusanan sa mga buang, kun kaha tungud ba kay nagatuo siya nga ang kombinto sa mga mongha maoy da- langpanan sa mga buang babaye, bisan may mga hulohungihong nga kadtong tawhana wala gayuy alamag, labi na sa pag-ila kon ang usa ka tawo but-an kun buang ba.
Ginaingon usab nga ang Kapitan Heneral nga si Ginoo J.—, sa pagkasayud sa hitabo, lahi ug hunahuna kay sa iyang ti- nugyanan, buut unta niya panalipdan ang buang ug iyang gi- pangayo nga kini pagul-on.
Apan niining higayona karon wala nay mipakitang ma- anyag ug dinaugdaug nga monghang batan-on, ug ang abadesa wala motugot nga duawon ang claustro, ginamit nga pasangil ang ngalan sa Tinuhoan ug ang Santos Etatuto.
Niadtong hitaboa wala nay miusab paghisgot, ingon nga wa- la na upod ing naghisgot sa alaut nga Maria Clara.
KATAPUSAN SA SUGILANON
(Terminose la revision en Kang-Aktol, Dumanhug, Cebu, hoy 20 de Noviembre, 1942, a las 10:30 a.m.)
— 545 —
