Me havas konvinko ke bezonas havar balde nomo por nia linguo. Multa konfuzeso existas ed existos, pro ke parolante pri ol on ne uzas sempre la sama nomo.
Komence, kande ni fidis la plu kam duone promisita posibleso akordar kun omna esperantisti, la questiono pri la nomo di nia linguo ne esis urjanta; semblis versimila ke ni povus omni unigesar sub la nomo Esperanto. Evidente esus tre avantajoza, ke ca nomo ja konocata da tanta nombro homi povus uzesar pri la linguo qua (tala esis nia espero) unigus omna esperantisti ed omni qui apelis a la arbitro di la Komitato di la Delegitaro sen ipsi prenir partio por un od altra helpolinguo. Mem la konfuzeso qua existas sendube en la menti di multa personi, qui identigas la ideo generala pri linguo universala e la ideo aparta pri Esperanto, kredante ke la inventuro di Zamenhof esas la sola linguo internaciona, mem ca konfuzeso esus quaze avantajo en la kazo supozita di uneso inter la Esperantistaro e la Delegitaro. Sed pro ke ca esperita uneso ne realijis, ni nun sentas la bezono havar nomo distingiva, qua permesas ad omnu savar exakte pri qua linguo on parolas omnamomente. La skopo di ca artiklo esas examenar la nomi til nun propozita e pose propozar nuva nomo.
Oua qualesin devas bona nomo por nia linguo posedar? Ol devas nek esar tro longa nek havar tro pezoza sono; el devas esar tante sugestiva e facile memorebla quante esas posibla; e se ol konsistas ek vorto o radiko ja existanta en la linguo, oportas ke nula miskompreno esas posibla per la uzeso kun la signifiko di linguo.
En Progreso til nun nia linguo esas nomizata Esperanto Simpligita (ES.). Ca nomo esas tro pezoza por uzesar omnadie ed omnaloke; ol ne povas komode abrejesar, pro ke nek la unesma nek la duesma parto, nek Esperanto nek Simpligita, esas klara, se on uzas ol sole. Altra malfelica cirkonstanco esas, ke ca nomo, qua esis komence elektata por montrar nia simpatio por la linguo di Zamenhof e nia kon-
