Pos parolado da So R. Auerbach e plena diskutado, la membri di la Reform-Esperanto Societo en Gross-Zschachwitz unvoce decidis adherar a la Delegitaro e delegar sua prezidanto, So Hermann Sommer, Pirnische Strasse, 2.
(proxim Dresden, Germanio).
La Esperantista (reformista) grupo en Eppan (Tirol) fuzesas kun nuva grupo, fondita en Bozen. Sekretaryo : So Karl Roggenbau, Reisebureau, Waltherplatz, Bozen.
So A. den Hengst, autoro di nia Holandana Guidlibreto, fondis en Hago (S’Gravenhage, Haag, La Haye) Klubo Progreso, di qua il esas la sekretaryo. Adreso : 5, Billitonstraat, Hago (Nederlando).
La 11‑ma oktobro fondesis en Görlitz (Silezio), pos diskurso di So Peus, Laboranto-klubo Progreso. Prezidanto : Alb. Förster, Spremberger Str. 5, III ; sekretaryo : R. Goldner, Brautwiesenstr. 50, III.
En Dresden (t. e. en l’urbo, ube recente furiis la entuziasmo e netoleremeso di la fanatika Esperantisti), existas nun deksis Laboranto-klubi Progreso. Videz lia adresi sur pagino 2a di la kovrilo di la Revuo.
En Hamburg fondesis (danke nefatigebla So Peus) Laboranto-klubo Progreso ; sekretaryo : M. Behnke, Gärtnerstrasse 52, Produktion, Hamburg 30.
Weg frei für das Esperanto ! Das Weltsprache-Problem vor dem Forum der Sprachwissenschaft, da A. Seidel, 112 p. in‑8o (Berlin, H. Walther, 1908). — Ta libro esas la max grava studyo di la problemo, publikigita til nun da linguisto ; e, quo augmentas sa graveso, l’autoro esas sincere simpatioza a l’ideo di L. I. Il studyas unesme la problemo en pura teorio, donas statistika
3
