skribita kam existas akademiani ; e la sekretario dissendas oli a sa kolegi. »
Konseque la decido 170, ni publikigas sube, unesme, la listo di la questioni ja propozita a la voto di l’Akademio (cirkulero 9, sendita la 12 novembro) : lua (vice sa) ; guero (III, 29) ; ambiciono, religiono (III, 29) ; timoro (III, 30) ; lipo (III, 30) ; avantalo (III, 32) ; sturmo, tempesto (III, 33) ; respirar, aspirar, expirar (III, 33) ; plear, jugar, kolpar (III, 35) ; chera, chipa (III, 41) ; pregar kun 2 senci (III, 42) ; kazulo o chazublo (III, 42) ; skolo (III, 91) ; agnelo (III, 100) ; regular (III, 158) ; satisfacar (III, 161) ; efikar vice igar (III, 161) ; menajo (III, 163) ; avokato (II, 610) ; identigo di ch e sh (II, 713) ; chaka (II, 664, 665) ; bizanc-ano, blotar, brando, burelo, jenio, kandida, labrar, legacar, levriero, luxurio, putar, squotar, tayar (o taliar) ; para-suno vice parasolo ; reglo vice regulo ; matro vice patrino ; personala pronomi (III, 144-146) ; sufixo di estimo (III, 217) ; sedicio (III, 219) ; mera (III, 225) ; humila (III, 226) ; me esas varme (III, 226) ; reza (III, 228) ; longu (III, 229) ; lor (III, 229) ; turbo, tupio (III. 208) ; polstero (III, 162, 332) ; dificila, monetuyo ; e generale pri omna ne-teknikala vorti propozita en Progreso til No 26. En cirkulero 10 (sendita la 3 decembro), on propozis la sequanta questioni :
sorgar, magyaro, skiso ; pri la nombri di deki ; ‑est o ‑on vice ‑eg ; ‑im vice ‑on ; esforcar o efortar vice penar ; senco di peno ; tinio vice tineo ; forno, fornaco ; kurta o breva vice mallonga ; strikta, streta o stena vice mallarja ; anciena o vetera vice malnuva ; tama, amansar ; quale, ye, kom, as ; vanitato ; novico e aprentiso ; shukruto ; supreso di l’eliziono, di l’apostrofo ; e generale la vorti propozita en No 27.
Questioni nun diskutata da l’Akademio :
non‑ o des‑ vice mal‑ ; ‑ist e ‑er ; sufixo ‑eri ; ‑es vice ‑ez : sufixo ‑ab por la kompozita tempi ; ‑am, ‑im, ‑om por la kondicionalo ; longeso di la periodi di transiro, e divers administrala questioni. Konseque, la diskuto pri ta questioni esas nun klozita en Progreso.
En la proxima cirkuleri, on propozos la sequanta questioni :
s vice z (III, 268) ; pluralo di l’adjektivi (III, 276-282) ; nomi di instrumenti (III, 292) ; geografiala nomi (III, 350) ; sentempa verbala formi (III, 399) ; prepoziciono an (III, 400) ; indiko di la sexui (III, 472, 551) ; e generale omna ne-teknikala vorti propozita til la No 34 (decembro) [1]. Konseque, la diskuto pri la jus enumerita questioni klozesos en No 37 [2].
