cerfolio ; civismo, darnar, debila (febla per naturo, temperamento), dueno, edifico (III, 199), emundar, extorsar, gamelo, glinar, infirma, judo, kalva, kantiko, kapaca (III, 200), kapelino, karduno (III, 201), kastanyeto, kastono, kiromancio, klakar, klerko, klifo (III, 202), konsputar, kontradanso, korpulenta, korso, kraso, kroasar (III, 203), lakuno, livida, nugato (III, 204), perpetua, perversa, poltrono (III, 205), rekapitular, repudiar, reverso, rododendro (III, 206), safrano, sedentaria, chiniono, choseo[1], sinekuro, sozio, subisar, submersar, susurar (III, 207), toko, torsado, verifikar, vetrino (III, 298).
N.‑B. — Kande la precipua questioni nun diskutata esos solvita, l’Akademio editos suplementi a nia vortolibri angla, franca e germana, kontenanta omna vorti nuva e chanjita, ed omna emendi di eventuala erori. On esas pregata indikar a ni tala erori.
En la No 38 klozesos la diskutado pri : la sufixi ‑ist, ‑er, ‑ul ; l’adjektivo substantivigita ; e la vorti propozita en No 35.
La chefa rezultaji di la antala diskutado pri Kemiala Nomizado ja esis konsiderata ed aplikata da Sro Ostwald en sa artikli publikigita en Nri 27, 29, 34 di Progreso.
Pro ke Sro Ostwald intencas dissemar la tri artikli en formo di aparta broshuro, Sro Couturat inicatis finala diskuto pri kelka vorti ankore dubinda. (Letro da Sro Couturat, 6. decembro 1910).
Yen la rezultajo di ca lasta diskuto :
I. Nomi di l’elementi (Komp. Progreso No 27, p. 130.)
1. Omna membri adoptas propozo da C., distingar karbo, kemiala elemento, de karbono, vulgara kombusteblo, pro ke ca lasta formo aparas kun la dicita senco en la nacionala lingui ed en la vulgara derivaji : carbonifère, carboniser, e c.
2. Omna membri adoptas la formi platino ed alumino (vice la propozita plateno ed alumeno). On konvinkesis, ke vera konflikto kun la sufixo ‑ino ne esas posibla.
N. B. — Hike on memorez anke, ke omna nomi fininta per
- ↑ On rimarkez ch‑ vice sh‑ en ca du vorti.
