3 Majestæt ja hærvasvuotta læ su dakko, ja su vanhurskesvuotta bisso aǥalaǯǯat.
4 Muito son læ asatam su oavddodaǥoidi; armogas ja vaimolađes læ hærra.
5 Borramušaid son addi sigjidi, guđek sust ballek;
su littos aǥalaǯǯat son muitta. Sal. 34, 10; 37, 19.
6 Su daǥoides famo dieđeti son su olbmuidassis, addededin sigjidi bakeni arbe.
7 Su gieđaides daǥok læk duottavuotta ja njuolgadvuotta,
oskaldasak læk buok su ravvagak. Sal. 93, 5.
8 Nanosak dak læk alelassi, aǥalaš aiggai, dakkujuvvum dak læk duottavuođa ja njuolgadvuođa mield.
9 Lonastusa bijai son su olbmuidassis, aǥalaš aiggai
su littos son asati; basse ja suorgadlaš læ su nabma. Es. 54, 10.
10 Hærra ballo læ visesvuođa alggo, buorre arvadus læ buok sin lut, guđek dam mield[1]
112. Salma.
Dat basse lavllo maidno ibmelbalolaǯai oasalašvuođa ja čajet, sikke moft si vagjolek Ibmel dato mield, ja moft son buristsivned sin, 1–9; ibmelmættomak læk oasetæmek, 10.
1 Halleluja! Audogas dat olmai, gutte hærrast balla,
gutte stuorra halidusa adna su bakkomi. Sal. 1, 1. . .; 119, 1.
2 Famolaǯǯan ædnam ala šadda su siebman; vuoigadlaǯai
sokka šadda buristsivneduvvum. Sadnev. 20, 7.
3 Ælok ja daverak su dalost læk, ja su vanhurskesvuotta
bisso alelassi. Sal. 34, 10.
4 Sævdnjadasast bagjan čuovgas vuoigadlaǯaidi,
sunji, gutte armogas læ ja vaimolađes ja vanhurskes. Sal. 97, 11. Es. 58, 7. . .
5 Oasalaš dat olmai, gutte armet ja luoikasen adda,
gutte ašides bisot vanhurskesvuođa boft. Sal. 37, 21. 26; 41, 2. . . sadnev. 14, 21.
- ↑ Ibmel ravvagi mield. v. 7. sadnev. 1, 7; 9, 10. 1 Tim. 4, 8.
