Page:The dairyman’s daughter; Bob the sailor boy.pdf/20

16

Ꭴ ᎦᏃᏗᏍᎩ ᎤᏪᏥ.

ᎡᏙᎲ ᎦᏰᏓᏍᏗ ᏱᎨᏎ ᎾᏙᎴᎰᏒᎾ ᏄᏍᏛ ᎤᏓᏅᏛᎢ ᎠᎴ ᎦᏬᏂᏏᏙᎲᎢ ᎬᏂᎨᏒᎢᏳ ᏂᎦᎵᏍᏗᏍᎬᎾ ᏂᎦᎥ ᎤᏓᎵᏁᎯᏯᏛ ᎨᏒ ᎾᏍᎩ ᏗᏁᎶᏙᏗ ᎨᏒ ᏚᏁᎶᏛᎢ.

ᏄᏬᎯᏨᎾᏉ ᎠᏆᏙᎴᎰᏒ ᏂᎦᎥ ᎤᏚᎵᏍᎬ ᎤᏙᏓ ᎠᎴ ᎤᏥ ᎤᎾᏙᎴᎰᎯᏍᏗᏱ ᎠᎴ ᎤᏂᎦᏙᎥᎯᏍᏗᏱ ᏚᏳᎪᏛᎢ, ᎠᎴ ᎦᏳᎳ ᎤᏚᎵᏍᎬ ᎢᏳᎵᏍᏔᏅᎯ ᎨᏒᎢ. ᎾᏍᎩ ᎯᎠ ᏥᏄᏍᏙᎢ ᎩᎳᏉ ᎤᎾᏛᏒᎯ ᏧᎾᏁᎶᏗ ᏥᎨᏐᎢ, Ꮀ ᎤᏬᏚᎯᏳ ᎨᏐᎢ. ᎢᏳᏰᏃ ᎩᎶ ᎠᏂᎦᏴᎵᎨᎢ ᎠᏏ ᎾᏂᎦᏔᎲᎾᏉ ᎨᏒ, ᎠᎴ ᎠᏂᏍᎦᎾᏉ ᎨᏒ, ᎣᏏ ᏳᏰᎸᏅ ᎤᏁᎳᏅᎯ, ᎤᏓᏙᎵᏍᏗ ᎨᏒ ᏳᏩᏔᏅ ᎾᏍᎩ ᎤᏁᏥ ᏳᏂᎳᏕᎸ ᏗᎧᎿᏩᏕᎩ ᎢᏳᎵᏍᏙᏗᏱ, ᏂᎦᎥᎧᏂ ᎡᏉᎯᏳ ᏧᎸᏫᏍᏓᏁᏗ ᎤᎰᎢ ᎾᏍᎩ ᎤᏁᏥ ᎤᎵᏂᎬᏁᏗᏱ ᎾᏍᎩ ᎠᏃᎯᏳᎲᏍᎩ ᎢᏳᎵᏍᏙᏗᏱ ᎬᏩᏛᎯᏍᏔᏅᎯ ᎡᎮᎢ.

ᎾᏍᎩ ᎯᎠ ᎠᏂᎦᏴᎵᎨ ᎬᏂᏳᏉ ᎤᏁᏲᏅᎥᏍᎩ ᎤᏁᎳᏅᎯ ᎤᏤᎵᎪᎯ ᎤᎬᏩᎵ ᎨᏒ ᎤᏂᏰᎸᎯ ᎨᏒᎩ ᎤᏁᏥ. ᎠᏎᏃ ᎠᎦᏛᎯᏍᏔᏅᎯ ᎢᏧᏛᏁᏗ ᎨᏒ ᎫᎦᏴᎵᎨ ᎥᏝ ᏯᎵᏐᏅᎢᏍᏗᏍᎨᏉ ᏧᏬᎯᏳᎯᏳᏉᏍᎩᏂ ᎨᏒᎩ, ᎠᎴ ᏂᎪᎯᎸᏉ ᎾᏍᎩ ᎯᎠ ᎬᏂᎨᏒᎢᏳ ᎨᏒ ᏂᎦᎥ ᎢᎬᏩᏛᏁᏗ ᎨᏒ ᎬᏗᏍᎬ ᏓᏍᏕᎸᏅᎥᏍᎬᎢ ᎾᎿ ᎠᏂᏁᎸᎢ.

ᎾᏍᎩᏃ ᎯᎠ ᎠᏛ ᏚᏁᎶᏛ ᎤᏙᎯᏳᎯᏯ ᏧᏓᏅᏛ ᎢᏴᏛ ᏅᏛᏓᎴᎲᏍᎩ ᎨᏒᎢ, ᎠᎴ ᎥᏝ ᎾᏂᎥᏉ ᏧᎾᏁᎶᏗ ᎨᏒᎢ ᎾᏍᎩ ᏱᏄᎾᏍᏙᎢ. ᏄᏍᏛ ᎪᎵᎬᎢ ᎤᏁᎳᎯ ᎤᏬᏢᏒ ᎢᏳᏛᏁᏗᏱ ᎠᏂᏍᎦᎾ ᏴᏫ Ꮷ-