ᎵᏍᏙᏓᏁᎸᎩ ᏂᏥᎦᏔᎿᎥᎾᏉ ᎨᏒᎢ. ᎠᏍᎦᎾ ᏂᎨᏒᎾ ᎨᏒ ᎢᏗᎩᏍᏗᏍᎬ ᎬᏂᎨᏒ ᏄᏩᏁᎸᎩ, ᏙᎠᏆᏚᎪᏓᏁᎸᎩᏃ ᏥᏍᎦᎾᎯᏳ ᎨᏒᎢ. ᎬᏂᎨᏒ ᏄᏩᏁᎸ ᎤᏐᏅ ᎤᏅᎦᎵ ᏂᎨᏒᎾ ᎨᏒ ᎾᏍᎩ ᎢᏗᎩᏍᏗᏍᎬᎢ, ᎬᏂᎨᏒᏃ ᎾᏆᎵᏍᏓᏁᎸ ᎠᎩᏲᏥᏌᏛᏉ ᎨᏒᎢ. ᏙᎤᏰᎵᎯᏍᏔᏅᎩ ᎢᎦᎫᏱᏍᎩ ᎨᏒᎢ, ᎾᏍᎩᏃ ᎠᏆᏙᎴᎰᏒ ᎠᎩᎾᏝᎢᏉ ᎨᏒ ᎠᏍᎦᏂ ᎠᎴ ᎠᎩᏴᎩᏴᏉ ᎠᏍᎩᎾ. ᏩᏍᏆᏗᏍᏗᏍᎬᏃ ᎠᏂᏍᎦᎾ ᏚᏍᏗᏰᏔᏅᎩ ᎤᎾᏗᏫᏎᏗᏱ ᎤᏔᎳᏬᏒᎯ ᎨᏒ ᏗᎵᏰᎢᎶᎵᏒᎢ ᎠᎴ ᎾᏍᏉ ᎬᎪᏩᏛᏗᏉ ᎨᏒ ᏚᎾᏣᏅᏛ ᎢᏴᏛᏉ ᎢᏧᏅᏁᏗᏱ, ᎠᎴ ᎦᎶᏁᏛᏉ ᏧᎾᏓᏂᎸᎢᏍᏗᏱ, ᎠᎴ ᎠᏓᏙᎵᏍᏗᏉ ᎨᏒ ᎠᏣᏅᏙ ᎤᏂᏰᎸᏗᏱ.
ᎾᎯᏳ ᏅᏓᎬᏩᏓᎴᏅᏛ Ꮭ ᎯᎸᎯᏳ ᏯᏆᎵᏛᏓᏁᎴ ᎤᏣᏘ ᏧᎬᏩᎶᏗ ᎨᏒ ᎠᏆᏓᏅᏙᎩᎯ, ᎠᎴ ᎤᎾᏰᎯᏍᏗᏳ ᎨᏒ ᏥᏍᎦᎾ ᎨᎥᎢ. ᏗᏆᏓᏅᏛᎢᏃ ᏥᏯᎵᎡᎵᏤᎲ ᎤᏁᎳᏅᎯ ᎾᏍᎩ ᏄᏍᏛ ᎠᏆᏛᎦᏅᎢ; ᎤᏣᏘᏉᏍᎩᏂᏃᏅ ᏧᏓᎴᏅᏛᏉ ᏄᏍᏛ ᎠᏆᏓᏅᏙᎩᏱ.
ᎾᏍᎩᏃ ᎿᏉ ᎠᎵᏥᏙᎲᏍᎩ ᎬᏂᎨᏒ ᎢᏳᏩᏁᎸᎯ ᎨᏒᎩ ᎤᏟ ᎠᎩᏰᎸᏒᎢ. ᎾᏍᎩ ᎯᎠ ᎠᏆᏢᏉᏗ ᎾᏋᏁᎲ ᏗᏆᏄᏬᎩᏱᏉ; ᎾᏍᎩᏃ ᏅᏓᏳᎵᏍᏙᏔᏅᎯ ᎤᏁᎳᏅᎯ ᎠᎩᏙᎵᏨ ᏔᎵ ᎠᏛᏗᏍᎬᎩ ᎬᏆᏓᏅᏖᏗ ᎾᏆᎵᏍᏓᏁᎲ ᎠᏆᏓᏅᏙᎩᎯ. ᎤᏣᏘᏉ ᎤᏓᎵᏁᎯᏯᏛ ᏱᎩ ᏳᏂᏣᏔ ᎠᎾᏛ, ᎠᏴ ᎾᏆᎵᏍᏔᏅ ᎢᏳᎾᏍᏗ ᏥᎩ, ᏗᎬᏩᏂᏲᎯᏍᏗᏉ ᏱᏄᎵᏍᏔᏅ ᎠᏣᏅᎩᏉ ᎤᎾᏚᎵᏍᎬᎢ, ᏳᏂᏲᎸᏃ ᎠᏲᎩ ᏂᎨᏒᎾ ᎨᏒᎢ ᎠᏣᏅᏙ, ᎤᏓᏙᎵᏍᏗ ᎨᏒ ᎣᏓᏅᏙᎩᎯ; Ꮎ-
