Page:The dairyman’s daughter; Bob the sailor boy.pdf/42

38

ᎤᏅᏗ ᎦᏃᏗᏍᎩ ᎤᏪᏥ.

ᎨᏳᏎᎢ ᎠᎴ ᎤᏩᏒ ᎨᏒ ᏓᏆᏓᏲᎯᏎᎴᎢ. ᎾᏍᎩ ᎾᎿ ᎠᏉᎯᏳᎭ ᎠᎩᏁᎸᏅᎢ ᎠᎴ ᏄᏍᏛ ᎠᏆᏓᏅᏖᏐᎸ ᎥᏝ ᎡᏍᎦᏉᎧᏂ ᎬᏇᎵᏍᏗ ᏱᎩ. ᎾᏍᎩ ᎤᏚᎩ ᎠᏋᏒᎢ ᎨᎠ, ᎠᎴ ᎾᏍᎩᏉ ᎤᏚᎩ ᎠᏋᏒ ᏫᎬᎩᏲᎱᎯᏍᏗ ᎠᎩᏰᎸᎭ, ᎤᏛᏅᏅᎩ.

ᎾᏍᎩᏃ ᎠᏴᏉ ᎦᏬᏂᏍᎬᎢ ᏥᎦᏖᏃᎲᎩ ᎦᎵᏦᏕ, ᎠᎴ ᎯᎠ ᎢᏳᏍᏗ ᎠᏆᏓᏅᏖᏗ ᏄᎵᏍᏔᏅᎩ; ᎤᏙᎯᏳ ᎯᏯᎧᏂ ᎯᎠ ᎠᏓᏁᎸᎢ ᎤᏁᎳᏅᎯ ᎤᏤᎵᎦ, ᎠᎴ ᏦᏒ ᏩᏴᏍᏗᏱ ᎾᎥᏂ ᎠᏂ, ᎠᏇᎵᏒᎩ. ᏂᎬᎿᏅ ᎠᏓᏁᎸ ᎤᏓᎵᏁᎯᏯᏛ ᎨᏒᎩ, ᎥᏝ ᎦᏓᎭ ᏱᎨᏎᎢ, ᎠᎴ ᎠᏎ ᎣᏍᏛᏉ ᎬᏰᎸᏗ ᎨᏒ ᏅᏩᏒᎯᏳ ᎨᏒᎩ. ᎾᎯᏳᏃ ᎤᏒᎯᏰᏱ ᏰᎵ ᎤᎶᎩᎳ ᎢᏳᎵᏍᏔᏅᎯ ᎨᏒᎩ; ᎠᏎᏃ ᎿᏉ ᏭᏕᎵᎬ ᏅᏙ ᎤᏍᎪᏏᏳ ᎤᎦᎵᏒᎩ ᎠᎴ ᎤᏰᎶᎢᏍᏔᏅᎩ ᎤᎦᎵᏒ ᎦᎵᏦᏕ. ᎾᎩᏃ ᏅᎩᎭ ᏂᎦᏅᏃᏛ ᏗᎬᎾᏬᏍᎩ ᏗᏖᎵᏙ ᎠᎴ ᏧᎿᏩ ᎾᏍᏉ ᏕᎦᏍᏛᎦᎸᎢ ᎠᏯᏔᎾᎸᎢ ᎾᎿ ᏫᏓᎦᎵᏍᎬᎢ ᎠᏂᏘᏢ ᏫᏕᎦᎸᏌᏓᏗᏍᏗᏍᎬᎩ, ᎠᎴ ᎾᏍᏉ ᎤᏍᎪᏏᏳ ᏗᎧᏃᏗᏱ ᏫᏂᏕᎬᏁᎲᎩ ᏗᎦᎴᏴᏔᏅᎯ ᎯᎠ ᏗᏟᎶᏍᏔᏅᎯ ᏕᎦᏛᎢ, ᎤᏕᏅᎢ, ᎠᎴ ᎠᎦᏬᎥᎢ, ᎠᎴ ᎠᎦᏛᏅᎢ, ᎠᎴ ᏚᎴᎯᏌᏅᎢ ᎦᎶᏁᏛ, ᎾᏍᎩ ᏄᎵᏍᏔᏂᏙᎸᎢ ᎠᏅᏓᏗᏍᏗ ᎠᏰᎸᏅᎯ ᎨᏒᎩ. ᎠᎴ ᎤᏛᏂᏳ ᎪᏪᎵ ᎦᏛᎩ ᏥᎷᏏᎵᎻ ᎦᏚᎲ ᏄᏍᏗᏓᏅᎢ ᏕᎨᏴᎢ ᎠᎴ ᏚᎨᏓᎵᏴᎢ ᎠᎴ ᏚᏅᏓᏢ ᏗᏟᎶᏍᏔᏅᎯ, ᎠᎴ ᏧᏓᎴᏅᏛ ᏗᎪᏪᎵ ᎤᏪᏘ ᎨᏒ ᏴᏫ ᎠᎴ ᎢᏤ ᎨᏒ ᎬᏫ ᏗᎨᎦᏟᎶᏍᏔᏅᎯ ᏫᏓᎵᏍᏆᎸᏔᏂᎯᎲᎩ ᎾᎿ ᎢᏗᏢ ᎠᏐᏴ ᏂᎬᎿᏅᎢ. ᎤᏣᏔᏅᎯ ᎦᏓᎭ ᏂᎨᏒᎾ ᎨᏒᎩ ᎠᎴ ᎤᏁᎬ ᎦᏅᎵᏰᏛ