ᏱᏍᏗ ᏱᎨᏎᎢ, ᎠᏎᏃ ᎤᏪᏥ ᏓᎧᏅᎦ ᎠᎴ ᎠᏴᏉ ᏙᏛᏆᎧᏅ ᎤᏓᏅᏖᏗᏍᎩ ᎦᏅᎯᏛ ᎤᏛᎾᎸᏗᏍᎬᎩ. ᎤᏙᏃ ᎤᎪᏗᏳ ᏙᎠᎦᏌᏬᎢᎲᎩ ᏘᎪᏆᎵᎢ ᎢᏴᏛ ᏙᎦᎶᎴᎬᎩ, ᎾᏍᎩ ᏂᎦᎥ ᎤᎨᏳᎯᏳ ᎨᏒ ᎤᏙ ᎬᏂᎨᏒ ᎢᎬᏁᎯ ᏅᎦᎵᏍᏗᏍᎬᎩ. ᎤᏛᏐᏅᎯᏃ ᎦᏂᏟ ᏗᏜᏌᏙᏗᏱ ᎥᎦᏙᎬᎩ ᎤᏓᎾᏍᏓᎢᏴᏛ ᎦᏂᏝᏗᏍᏗ ᎨᏛᎢ, ᎠᎴ ᎥᏝ ᏰᎵ ᎤᏣᏘᏂ ᏫᏗᎬᏩᎧᏃᏗ ᏱᎨᏎ ᎤᏪᏥ Ꮀ ᎿᏉ ᏧᎾᏓᎪᏁᎶᏥᏕᎾᏉᏃ ᎨᏒᎢ ᎤᎦᏙᏍᏛᎢ.
ᎵᏏᏃ ᏚᎦᏔᏍᏛᎩ ᎠᎴ ᎥᏝ ᎠᏏ ᏯᏙᎴᎰᏍᎨ ᎠᏉᎸᎢ. ᎾᏍᎩᏃ ᎤᎧᏛᎢ, ᎤᏬᏓᎸᎢᏳᏍᎩᏂᏃᏅ ᎨᏒᎩ ᎠᎴ ᎤᏃᏴᏥᏌᏛ ᎨᏒ ᏗᎧᏃᏗᏱ, ᎠᏎᏃ ᎠᏏ ᎬᏂᎨᏒᎢᏳᏉ ᎥᎨᏒᎩ ᏅᏩᏙᎯᏯᏛ ᎤᏁᎳᏅᎯ ᎤᏓᏁᏗ ᏥᎩ ᎾᏍᎩ ᎦᎪᎵᏦᏃᎲᏍᏗ ᏂᎨᏒᎾ ᏥᎩ ᎾᏍᎩ ᎤᎦᎵᏍᏗ ᎤᏓᏅᏓᏗᏍᏗᏍᎬᎢ ᎬᏂᎨᏒᎢᏳ ᎠᎪᏩᏛᏗ ᎥᎨᏒᎩ.
ᏞᎦ ᎡᎳᏪ ᎣᎦᏅᏅᎩ, ᎿᏉ ᎠᏯᏫᏍᎩ ᏓᏳᏙᏯᏅᎯᏛ ᏛᎩᏅᏁᎸ ᎤᏤᎵ ᎪᏪᎵ ᎤᎭᎨᏛ, ᎪᏪᎸ ᎤᏐᏅ ᎢᎬᏱᏱ ᏫᎨᎪᏪᎳᏁᎸᎯ ᎪᎵᏂᏗᏱ ᎠᏁᎯ ᎠᏯᏙᎸ XV, ᏧᏍᏗᏃ ᏚᏓᏡᎬ 55, 56, 57. ᎠᏴᏃ ᎿᏉ ᎠᎩᏲᎯᏍᏔᏅ ᎡᎳᏪ ᎨᏒ, ᎠᎴ ᎠᎩᎪᎵᏰᎥᎩ ᎯᎠ ᏥᏂᎬᏅ. "ᎭᏓᏲᎱᏍᎩ, ᎭᏢᏲ ᏣᏓᏨᏯᏍᏗ! ᏂᎯ ᏗᏓᏂᏐᏗᏱ ᎭᏢᏲ ᏣᏓᏎᎪᎩᏍᏗ ᎨᏒᎢ! ᎠᏍᎦᏂᏍᎩᏂ ᎠᏲᎱᎯᏍᏗ ᎤᏓᏨᏯᏍᏗ ᎨᏒᎢ ᏥᎩ, ᏗᎧᎿᏩᏛᏍᏗᏃ ᎨᏒᎢ ᎠᎵᏂᎪᎯᏍᏙᏗᏍᎩ ᎠᏍᎦᏂ ᎢᎩ. ᎠᏎᏃ ᎠᎵᎮᎵᏤᏗᏉ ᎨᏎᏍᏗ ᎤᏁᎳᏅᎯ, ᎾᏍᎩ ᎤᎬᏫᏳᎯ ᏥᏌ ᎦᎶᏁᏛ ᎢᎦᏓᏎᎪᎩᏍᎩᏗ ᏥᏂᎬ'ᏁᎭ.” ᎾᏍᎩᏃ ᎯᎠ Ꭴ-
