- 89
met a inna inyunnat, iti ingga ti nabalin dagiti saksakana
a nagsikkawil, iti babaen ti lamisaan a bassit.
Idi nakitada, isuda amin nagkatawada. Ni Ekselensia kinayatna a ginuped dagiti sarsarita, ket inibbatanna dagiti nipis a inna sinekseksek, ket kinunana a kasla sipapasnek, kasla siraragsak.
—¡Ala, ala! isunan dagiti ang-angaw kada sugsugal; agbannugtayo, ipaypaysutay ti agbannog, ta adda pay la gudua ti uras, sa tay mangaldaw. ¿Ado ti aramid?
Nagtalnada amin. Iti daydi nga aldaw inda pagsasa1"!taan ti maipapan ti pannakaisuro ti sao ti kastila, iso ti gapona nga addada sadiay a nabayagen da Padre Sibyla ken Padre Irene. Paggaammon a ti immuna, kas Bise-Rektor, supiatenna ti gakat, ket ti maikadua annamunganna, ket tultulungan ti “seniora kondesa." —Ania, ania ti adda?—sinaludsod a sigaganat ni Ekselensia.
—Ti juejion he lah jamah je jalon (ti maipapan kadagiti armas de salon)—inulit ti sekretario, a tinipedna ti maysa a suyaab.
—¡Maiparitda!
—Pammakawananyo, Jeneral,—kinuna daydi nangato nga agturay a singangayed:—ipalubusyo kuma nga ipalagipko a dagiti armas de salon maipalubusda kadagiti amin a il-ili ditoy lubong. . .
Ti Jeneral intal-una ti abaga na.
—Ditay tumultulad iti uray si asino a pagilian ditoy lubong,—kinunana a simamaga.
Ni Ekselensia ken daydi nangato nga agturay kanayon nga agdumada iti pamanunutan, ket umanay ti panagdillaw ti naudi, tapno ti immuna ipapatina ti kayat na.
Ti nangato nga agturay pimmadas iti sabali a pammayan.
—Dagiti armas de salon isuna la a mabalinda a danaren dagiti babao ken manmanok,—kinunana;—kunadanto pay ket di nga...
—Nga upa tayo?—intuloy ti Jeneral a intal-una ti abagana;-ket, ania kaniak? Inpakitakon a saanak a upa.
—Ngem adda maysa a banag,—kinuna ti sekretario;—itay maikapat a bulan, idi naiparit ti pannakaaramat dagiti igigam, naipanamnama ka dagiti agiyeg ditoy a taga sabali a daga a dagiti armas de salon inda maipalubos.
Ni Ekselensia nagmurareg.
—Ngem adda pamuspusan,—kinuna ni Simoun.
—Kasano?
