—¡Naimbag unay! Ti kura sadi Tiani inawisnak a napan nagbakasion sadi ili na, napanak. . . chiko! ijam-ammom ni Padre Camorra? Iso, maysa a kura a nawada, kasla bulos, kampetsano unay, naragsak, naragsak unay, kasla ken Padre Pako... Ket gapo ta addada babbalasang a nalapsat unay, kanayon a inkam agjarana, iso, aggitarra, ket kantaenna dagiti peteneras na, ket siak, agbiolinak. . . Kunak ken ka, chiko, a napalalo a ragragsak mi; jawan balay a di kam nauli!
Sa adda inyarasaasna ken Placido, ket nagkatawa. Ket gapo ta kasla nasdaaw ni Placido, innayunna:
— ¡Mabalinko a sapataan! Awan pamuspusan da, saan da a makalisi, ta maysa la nga espediente gubernatibo, awan ni ama dan, wenno ni asawa da, wenno ni kabsat da! ket malpas metten! Ngem adda nasarakanmi a maysa nga ang-ang, ar-armen sa ni Basilio, ammom? ¡Kitaem ti kinaang-ang ni dayta Basilio! jArmenna ti maysa a babai nga awan ammona nga uray la no maysa a sao ti kastila, awan pirak na ket pinatagtagabo pay! Awan kas kenkuana iti kinaatap, ngem nalapsat; ni Padre Camorra naminsan a rabii minalmaluna ti dua a babbaro a napan nangtapat kenkuana ket diak ammo no apay a dina ida pinapatay. Nupay kasta, naatap laeng, kanayon a naatap! [Ngem matnagto a kas kadagiti amin a babbai sadiay, kas kadakuada amin!
Ni Juanito Pelaez nagkatawa iti kasta unay, a kasla itay mailangit kadagiti sasao na. Ni Placido kinitana a siluluksaw.
—Denggem, ket <jania ti inbagbaga ti katedratiko idi kalinan?—sinaludsudna, nga inpasabalina ti sarita na.
—Idi kalman, awan klase.
—¡Ojo! dKet, idi kasangaaldaw?
—¡Ni, Juebes!
—Ay wen, nagbabuyakon! dAmmom, Placido, nga agbalbalinak a babuyen? Ket, ¿idi mierkoles?
—Idi mierkoles? Agurayka... idi mierkoles, nagarbis. —jNagimbagen! e’Ket idi martes, chiko? —Idi martes, nagkanaganan ti katedratiko ket napanmi kinablaawan, nangipankam iti orkesta, rineppet a sabsabong ken sumagmamano a regalo. . .
—¡A, karambas!—kinuna ni Juanito,—nalipatak, jnagbabuyakon! Denggem. Ket, sinaludsudnak?
Ni Penitente inngatuna ti abaga na.
—Diak ammo, ngem intedda kenkuana dagiti nagnagan dagiti napan.
