—¿Siak? jawanl—kuna kuman daydi daksanggasat, ta dina amnion no ania daydi masasao, naulawen iti kaado a rupa (superficie) kada accidente a mangtitileng iti napalalo a ranggas dagiti laplapayag na; ngem ti bain na, iso ti nanengngel kenkuana, ket inulitna, a kinemkem dagiti ngipngipen na, sipupunno iti liday ket nangrugi pay nga aglingeten:
—Managan espejo ti amin a rupa (superficie) a nalinis. . .
—Ergo, per te, ti espejo, iso ti rupa,—kinuna ti mangisursuro.—Ala, ngarod, lawlawagam toy a duadua. No ti rupa (superficie) iso ti espejo, awan ngad ania na kenkuana ti uray no ania a banag nga adda iti likudan dayta a rupa, ta ti adda iti likod saan na nga an-anuen ti anag ti adda iti sango, id est, ti rupa, quae super faciem est, quia vocatur superfices, facies ea quae supra videtur; annugutem wenno saan?
Dagiti bubuok daydi nakakaasi a bumaro adaddada man la ngarod a simgaren, a kasla ket itay adda maysa a pigsa a namatakder kadakuadan.
—Annugutem, wenno saan?
—Ti la addan, ti la kaykayat yon, padre, — kunkunana
iti uneg na,—ngem saan na a maitured a baliksen, ta mabuteng a katawaanda. Iso daydi ti pudpudno a danag, ket idi
pay laeng ti inna pannakaipaslong. Adda bassit nga ammona a kadagiti praile, saan a mabalin ti umannugot iti uray
sangkabassit laeng, ta nalaingda a mangala iti makapaimbag
ka dakuada no kua: dagiti dagdaga ken pagkurkuraan da isuda
ti agsao, no saan nga agpayso. Iso ti gapo na a daydi naimbag
nga anjel na inpaltiingna kenkuana nga awan annuguten na
nga uray ania, nga ipakatna ti amin a pigsa ti kararua na ken
kinatibker dagiti bubuok na, ket ngannganina ibbatanen ti
natangsit a ¡nego,! ken gapo pay ta ti saan a umannugot iti
uray ania, awan pakaisarsarakan na, kas kinuna kenkuana ti
maysa nga agan-annong iti Jusgado; ngem ti dakes a kadawyan, a saan a panangdengngeg iti timek ti bukod a nakem, ti
bassit a pammati kadagiti agan-annong iti Jusgado ken ti pay
met panangsapol iti badang dagiti sabsabali, idinto ta umanay ngad datao a maymaysan, isuda ti namukaw kenkuana.
Dagiti kakadua na inda patpatulduan a umannugot, nangruna ni Juanito Pelaez, ket binay-anna, ngaruden, ti bagi na
nga uluden ti dakes a gasat na, ket inna inibbatan ti maysa a
concedo, Padre, a kasta unay a kapoy ti timek na, a kasna la
itay kinuna: In manus tuas comendo spiritum meum.(1)
__________
1 Kadagiti itn-imam ti pangitalkak iti kararuak!
