sayaat pay la amin a inda makita, kinayatda nga inamad no
kasano ti naaramid.
—Itay bigat napanko kinita ni Padre Irene,—kinuna ni Makaraig, a sililimed.
—!Agbiag ni Padre Irene!—inpukkaw ti maysa nga agadadal a makaragrag-o.
—Ni Padre Irene, — intuloy ni Makaraig, — inbagana kaniak amin ti naaramid sadi Los Banios. Kasla itay saan a nakurang a maysa a lawas na a nagsasaritaanda, iso inna insaksakit ti gakat tayo a sinupiat amin dagiti dadduma, ni Padre Sibyla, ni Padre Fernandez, ni Padre Salvi, ti Jeneral, ti Segundo Kabo, ni joyero Simoun. . .
—!Ni joyero Simoun!—insengngat ti maysa,—tjngem ania ti bibiang dayta a judio kadagiti banbanag a maipapan iti Hi tayo? Ket datayo intay pay pabpabaknangen a paggatgatangan. . .
—!Agtalnaka! — kinuna ti maysa, a sisesegga ken sigagagar a makaainad no kasano ti panangabak ni Padre Irene kadagiti nakabutbuteng a kabusor.
—Addada pay nangato nga agan-annong a simmupiat iti gakat tayo, ti Direktor de Administrasion, ti Gobernador Sibil, ni insik Quiroga. . .
—!Ni insik Quiroga! ti bugaw dagiti. . .
—Agtalnaka, sika!
—Idi kuan,—intuloy ni Makaraig,—inda kan kuma iku pinen a paturugen iti ado a bulan, idi ta ni Padre Irene nalagipna ti Comision Superior de Instruction Primaria ket insingasingna a tangay ti pannakaisuro ti sao ti kastila ti makagapo, ti gakat rebbengna a mayallatiw iti daydiay a gimong, tapno iso ti makaammo a mangusig. . .
—Ket no dayta a Comision nabayag a di aggarawen, — kinuna ni Pekson.
—Iso dayta ti insungbat da ken Padre Irene,—intuloy ni Makaraig,—ket iso inna insungbat a nasayaat daydi a kanito a panangpaungar kenkuana, ket gapo ta adda idi ni don Custodio, maysa kadagiti kamkameng daydiay a Comision, inggakatna nga iti daydi met la a kanito madutukan ti maysa a gunglo, ket tangay makita ket paggaammo ti kinaalibtak ni don Custodio, iso ti napili a mangadal, ket ita, ti gakat tayo adda kadagiti im-ima na. Ni don Custodio inkarina a leppasen iti uneg toy a bulan.
—!Agbiag ni don Custodio!
