- 133
ari, naituytuyang ken naikedkeddeng nga annuruten ditoy ili
tayo, kunak ngata nga awan dakes a maaramid iti itutulong
a mangipatungpal kadagiti nangato a tartarigagay ti Turay,
iti panangikalikagom iti nasayaat a pannakaitaros da: ti panggep na iso met ti gamden mi ket isuna la a maigiddiatkam
iti pammayan.
Daydi abogado immisem; daydi buinaro mayat gayam a paitulod iti sabali a disso ket sadiay ti inna ngad kenkuana pangulawan, nalpas a naulawen.
—Dayta ket ti yan ti quid, kas kuna ti agsasao; nalawag a nasayaat ti panangbadang iti Turay, no badangan a situtudio, a tungpalen dagiti bilbilin na, ti pudno nga anag dagiti linlinteg a mayannatop iti nalinteg a panangipapan dagiti agturturay ket saan a maisupiat iti kadaanan ken kaaduan a panagpanunot dagiti tattao a nakaipakumitan ti pagimbagan a sapasap dagiti tattao a mamukel iti maysa a pagilian. Ket iso ti gapo na a dakes unay, rebbengna a madusaan, ta dadaelenna ti nangato a batay ti Turay, ti panagaramid iti maysa a banag a maikanniwas kadagiti gakgakat na, uray no nasaysayaat ngem ti agtaod kenkuana, ta ti kasta nga aramid mabalinna a dangran ti nasayaat a nagan a iso ti nangruna a batay a nakaipatakderan amin dagiti mangiturturay ka da giti sabsabali a dagdaga.
Ket daydi lakay nga abogado, ta saan a nagngata a dagidi sasao na pinagbalinda a kasla agmauyong ni Isagani, sinayaatna ti nagtugaw a siraranga unay, nupay agkatkatawa iti uneg na.
Nupay kasta, ni Isagani simmungbat:
—Inpapanko a dagiti agturturay sumapulda iti sabali a pamangunanda iti bileg da nga adadda a napigpigsa no adadda met ti pannakaam-ames da. . . Ti painangunan a nasayaat a nagan kadagiti mangiturturay iti sabali a daga, iso ti kakapuyan, ta saan nga adda kadakuada, no di ket iti nasayaat a pakinakem dagiti paiturturayan ingga na iti kayat dagitoy a bigbigen. . . Ti pamangunan a linteg, iti panagkunak, ad adda a napapaot.
Daydi abogado inlintegna ti ulo na; apay? daydi nga agtutubo maituredna man ti makisungbat ken makisusik ken kuana, idinto ta iso, iso ni “senior” Pasta? Saan pay la a naulaw kadagidi naindaklan a sasao na?
—Bumaro, iwaksiyo dagita a panpanunot, ta napeggadda,—insengngat daydi abogado a naggaraw.—Ti kunak kadakayo, baybay-anyo ti Turay nga agaramid.
