- 149
mabalin a paglutuan iti tinapay. Ket masapol a magnakay
kadagiti kapkapanagan, a kabatbatuan; sadi ngato, ti init;
ket iti baba, apoy; sa iti sango, bala. . .
—!Kurang la ti pannakairuam!
—!Iso; kas ti daydi nuang a nairuam a saan a nangnangan! Itoy agdama a gubat, ti kaaduan dagiti matmatay ka dagiti sosoldado tayo, maigapo kadagiti sugsugat dagiti dapdapan da. . . [Kas ti daydi nuang, kunak ket, seniora, kas ti daydi nuang!
—Ngem, “ijo,”—insungbat daydi babai,—kitaenyo met ti nagado a pirak a maibos gapo iti kasta unay a lalat. Adda umanay a pangpension kadagiti nagado nga ul-ulila ken babbalo, tapno mataginayunda ti nasayaat a nagan ken panagiyanda. Ket saan kay a umisem, saan a gapo kaniak ti pagkunaak, ta adda ngad itdenda kaniakon, numan pay bassit, bassit unay, no yar-arig kadagiti inar-aramid daydi asawak, ngem makunak daytoy gapo kadagiti dadduma a daksanggasat unay ti adda a panagbibiag da: saan a nalinteg a, kalpasan ti kasta unay a rigat da nga immay, ken kalpasan ti panagdaliasat da iti taaw, addada ket dituyen a matmatay iti bisin. . . Ti saoyo maipanggep kadagiti solsoldado, mabalin nga agpayso, ngem nasurok a tallo a tawen nga addaak dituyen, ket awan pay nakitak nga agpilpilay.
—Iti dayta, kasta met ti pamanunutak,—kinuna ti sabali a babai, — ?apay a ikkan ida iti sapatos, no dida met nagsapatos a nayanak?
—!Ket uray bado, ania ti masapol?
—?Kasta met ti sapin?
— !Panunutenyo man ngay ti mainut tayo a pirak, no silalabos kuma dagiti sosoldado tayo!—intuloy daydi mangisaksakit kadagiti sosoldado.
Iti sabali a gunglo, ti panagsusupiat da napingpinget manen. Ni Ben-Zayb agsao ket agbitla, ni Padre Camorra, kas kanayon nga aramid na, no kuan, inna tubngaren. Daydi periodista a praile, nupay kasano a panagraem na kadagiti lallaki a nagbado iti atiddog, kanayon la nga agsubangda ken Padre Camorra, iso a maysa la a sinan praile a kasta-kasta, iti panangipapanna iti kasdi a inna ipakita nga iso adda da giti mangnagnagan kenkuana iti Fray Ibanez. Ni Padre Camorra kaay-ayuna unay ti kasubsubang na:: is-iso la a maymaysa ti mangipateg kadagiti naganen na iti pangikalkalintegan na.
Magnetismo, espiritismo, majia, kdmpy., dagiti inda pagsasaritaan, ket dagiti sasao da maipallapallatukda iti tanga-
