162
bil ti lakasa iti rabaw ti lamisaan, iti tengnga na, sa immasideg
kadagiti agbuybuya a kasta unay ti deggang na.
—!lta man!—kinuna ni Ben-Zayb, iti kinadenna na;— !kitaenyo no di adda painbar na!
Naindaklan a panangipasnek ti mabasa kadagiti ruprupada amin; nagari ti ulimek. Mangngeg a silalawag unay ti ringgor ken riri iti lansangan iti ruar; ngem kasta unay a pannakasdem da, ta adda pay nangngegda a sao, ngem saan da nga intaltaleken.
—?Por ke ha no di podi nosos entra? (apay a di tay mabalin ti sumbrek?)—sinaludsud ti maysa a timek ti babai.
—Aba, niora, porke, talia el mana prailes y el mana empleau, (ni, niura, gapo ta addada sadiay dagiti praile ken dagiti agan-annong) —insungbat ti maysa a lalaki,—ta jasi solo para ilos el kabesa de espinje. (isuda laeng ti pakaipabuyaan ti ulo ti espinje).
—!Kuroiso tambien el mana prailes! (nakaskasdaaw met dagiti praile)—kinuna daydi timek ti babai, nga immadayo; —no kiere pa ke di sabe nisos kuando ilos ta sali inganiau! !Kosa! ?kerida ba de praile el kabesa? (dida pay kayat a intay maammuan no isuda inda maallilaw! ania? kamalala kad ti praile dayta ulo?)
Iti let-ang ti nalaos a ulimek, intuloy daydi amerikano ti nagsao, a timek na mamigpigerger:
—Dudunia ken babaknang: maysa la a sao ti innak ita baliksen a pangbiang iti daytoy sangarakem a dapo, ket dakayo inkayto makisarita iti maysa a parsua nga ammuna ti nalabes, ti agdama ken ado pay iti kasakbayan!
Ket daydi sumasalamangka nangibbet a sibabannayat iti maysa nga ikkis, idi damo na, makasangsangit, idi kuan, natbag, laok ti aweng a natarumamis a kasla lunod, ken timek a bangag a kasla ames, iso a nangpaseggar kadagiti bubuok ni Ben-Zayb.
—!Deremof!—kinuna daydi amerikano.
Dagiti tabtabing a nailawlaw namigergerda, dagiti pagsilsilawan kasda itay napuyupoy, ti lamisaan nagrinniit. Maysa nga asog a nakapoy ti simmungbat manipod iti uneg ti lakasa. Isuda amin nagkikinnitada a sibebessag ken sidadanag: maysa a babai, a linapunos iti kigtot ken nakarikna nga adda nagayos a danom a napudot iti uneg ti pagan-anay na, kimpet ken Padre Salvi.
Idi ta kasta, naglukat a is-iso latta daydi lakasa ket iti imatang dagiti agbuybuya, nagparang ti maysa nga ulo a kasia ulo ti maysa a bangkay, nagbuok iti atitiddog ken napuskol
