172
—?Apay? dania ti inkay kuen sadiay?—sinaludsod ni Si moun, a kinitana ni Placido a nalaing kadagiti antiukos na a balbag.
Ni Placido saan a simmungbat. Idi ta kasta, ni Simoun intangadna ti ulo na ket immisem iti isem na a naulimek ken nalamiis, ket kinunana ken Placido:
—!AIa wen! umayka kumuyog kaniak. Idiay lansangan a Iris,16—kinunana iti kotsero.
Ni Simoun siuulimek iti bayat ti panaglasat da a kasla itay nadagsen unay ti adda a panpanunutenna. Ni Placido, nga ur-urayenna a kasauna, awan met uray maysa sao na ket kumitkita kadagiti ado nga agpalpallailang nga agpalpalamiis gapo iti kalawag ti bulan. Babbaro kada babbalasang, agayan-ayat ka da aggi-innarem a sarsarunuen ida dagiti naannad a inna wenno iikit da; purpurok dagiti agad-adal a nagaruat iti puraw nga adadda manen a papurawen ti bulan; sosoldado a painarteken bassit, a nakalugan, pasaray innem ti agkakalubbon, inda sumuknal iti maysa a simbaan a nipa a maidaton ken Citeres16; ububbing nga aggaayam iti tubigan, in-insik nga aglaklako iti unas, kdmpy., isuda ti mamunno iti lansangan ket, iti nakaranraniag a lawag ti bulan, nakaay-ayo ket nakasaysayaat ti inda panagparang. Iti maysa a balay adda orkestra nga agtugtugtog iti balse, ket addada makita a sumagmamano nga agsasala babaen ti raniag dagiti pagsasaingan. . . jania met daydi no mayarig iti mabuya iti lansangan! Ket, iti kaadda ti panunot na sadi Hongkong, nasaludsudna iti biang na no dagiti rabrabii nga adda bulan iti daydiay a puro nalibnusda met, nasam-itda met a naliday a kas sadi Pilipinas, ket maysa a naisnekan a liday ti immapay iti pusona.
Ni Simoun pinagsardengna ti lugan, ket isuda a dua
dimsaagda. Iti daydi a kanito, limmabasda iti sibay da Isagani ken Paulita Gomez nga agin-innarasaas kadagiti nasam-it
a balbalikas; iti likudan da, sumarsaruno da dunia Victorina
ken Juanito Pelaez, iso nga agsasao iti napigsa, napalalo ti
panaggarawgaraw dagiti im-ima na ket adadda man ti kubbo
nan. Ni Pelaez, ta sabali ti yan ti nakem na saan na a nakita
daydi kinaadalan na.
_________
15 Ti lansangan a Iris idi, iso ita ti muroong ti lansangan nga Azcarraga r a n g t a y ken lansangan a Mendiola, (Claro M. Recto Ave.,) inggana iti isuda nga awan pay idi.
16 Sabali a nagan ni Venus, diosa ti kinalibnos.
