179
ania ti gapo na nga immannugot met dagiti adda iti sabali a
bangir.
Ni don Custodio de Salazar y Sanchez de Monteredondo. a nagnaganenda iti Buena Tinta, maysa kadagiti tattao sadi Manila a saan a umaddang a di la bitinan dagiti pagpagiwarnak iti sango ken likudan kadagiti ado a pangpanpanagan da, kas di mabanbannog, naipadpaduma, managtungpal iti annongna, naalibtak, nauneg, nasaririt, mannakaammo, nabaknang, kdmpy., a kasla ket no mabutengdan a mairiro iti sabali a tao a kanagnagan ken kaap-apelyido na, a nasadot ken awan ammo na. Awan met ket di ti pagdaksan ti kasdi, ket ti agamamiris kadagiti maipabpablaak kadagiti pagpagiwarnak di na met italtalek. Ti naganna a BUENA TINTA nagtaod iti nasayaat a panaggayyem da ken Ben-Zayb, idi ta kadagiti namindua a pannakisinnungbat na iti napalalo iti bayat ti mano a bulan ken lawas na kadagiti binbinulong dagiti pagpagiwarnak maipanggep iti rebbeng nga aruaten ti kallugong a sinan-uong, wenno ti de kopa, wenno ti kattukong; ken no ti plural ti sao a CARACTER, rebbengna a CARACTERES wenno CARACTERES, tapno pumigsa da giti pangikalkalintegan na, kanayon la nga isamirana nga ikabil dagitoy: CONSTANOS DE BUENA TINTA, LO SABEMOS DE BUENA TINTA17 kdmpy., sa ket maammuan iti kalpasan na, ta sadi Manila maammuan ainin a di manganano, a toy a Buena Tinta saan a sabali no di ni don Custodio de Salazar y Sanchez de Monteredondo.
Dimteng sadi Manila nga ubing pay, nasayaat ti saad na,
iso a nakabalinanna a nangasawa iti maysa a nalapsat a mestisa nga anak ti maysa kadagiti kababaknangan sadi Manila.
Gapo ta naparangkapan iti naikasigod a saririt, tured ken tanang, inammuna nga inaramat ti gimong a yanna ken ti
pirak ni asawa na nga inna pinagsapol, nangonkontrata iti
Turay ken iti Ayuntamiento, nga iso ti nakaigapuan ti panangikabil dan kenkuana a konsejal; idi kuan, alkalde, bokal
ti Sociedad Economica de Amigos del Pais, Consejero de Administration, Pangulo ti Junta Administrativa de Obras Pias,
bokal ti Junta de la Misericordia, konsiliario ti Banco Espanol Filipino, kspy. Ket di kunaen a toy a kspy., umas-asping
kadagiti kadawyan a maikabkabil iti kalpasan dagiti ado a
pagsasaadan dagiti dadduma a tattao; ni don Custodio, numan pay saan a nakakita kaano man iti pagbasaan maipang
gep iti Ijiene, naikabil pay a bise-presidente ti Junta de Sanidad de Manila, pudno met ket di a kadagiti walo a namukel
_________
17 Paggaammuni unay.
