- 187
— !Saan!, !Saan met!
Sa dagidi GAKGAKAT A NGANNGANI AGLUOM..„ GAKGAKAT A NAIPARANGEN. . . GAKGA KAT A SAAN A NAANNUGOT . . . GAKGAKAT A NAANNAMUNGAN . . GAKGAKAT A NAISARDENG. . . Dagitoy naudi a karkartapasio, bassit ti linaonda; ngem daydi maudi unay, adadda manen a basbassit, iso ti yan dagiti GAKGAKAT A MAITUNGTUNGPAL.
Ni don Custodio pinagdusngina ti agong na, ania ngata ti nagyan? Nalipatannan ti adda a naikabil iti uneg na. Sangkabulong a papel a kumusnig ti kita nan ti agrungrungarong iti nagbaetan dagiti dua a kalkalob, a kasla ket no bilbilawanen ti kartapasio.
Innalana ket inukradna: iso daydi agdindinamag a gakat maipanggep iti Escuela de Artes y Oficios.
!Sairo! — kinunana; — no naipakumit dayta kadagiti agustino. . .
Pagammuanen, sinipatna ti mugingna, pinagngatuna dagiti kidkidayna, iti rupana nakita a nailadawan ni balligi.
—Nasarakakon, k . . . ! — kinunana, ket nangyibbet iti maysa a naalas a sao,—a saan a ti sao nga eureka,(19) ngem mangrugi iti pagtungpalan toy;—nasarakakon ti innak ikalikagom.
Ket naminlima wenno naminnem a inna inulit-ulitan
daydi naipadpaduma nga eureka na, nga umaw-awer iti tangatang a kas naragsak a baot, nagturong iti lamisaan na, a
kasta unay ragsak na, ket rinugyanna ti nagsurat.
_________
19 Eureka, sao ti griego, ti kaibatuganna iti Iluko, nasarakakon.
