- 199
aggagayyem, isuda a mangatkatawa kenkuana ... ipatpatayna dagiti panpanunot na, ti dina panangsalungasing kadakuada.
Daydi sangsangpet napalalo a panagsiddaaw ken panagraemna iti daydi bumaro.
—Kasla ang-ang ti lingay na, ngem kasta,—intuloy ni Tadeo;—nayanak sadi San Pedro, Makati ket parparitanna ti bagi na kadagiti ado a banbanag; nganngani saan nga agdigos. ket saan nga agsida iti baboy, ta kunana a dagiti kakastila saan da nga agsida, ket iso met ti gapo na a dina kayat ti inapoy, ti patis, ken ti bugguong, uray no matay iti bisin ken makakatkatay. . . Amin nga aggapo sadi Europa, nadadael man wenno nasayaat, kasla langit ti panagnanam na, ket itay naminsan a bulan, inispal ni Basilio iti nadawel a gastritis; nangan ngamin iti sangamalukong a mostasa, tapno maipakitana nga iso, taga Europa!
Iti daydi a kanito, ti orkestra rinugyanna a tinugtog ti maysa a balse.
—?Makitam ni dayta? ? dayta nakuttong a italiataliawna ti ulo na a sumapsapol iti manglugay kenkuana? Iso ti agdindinamag a Gobernador sadi Pangasinan, maysa a naimbag a tao a mapukawna ti imas na a mangan no adda indio a saan a manglugay kenkuana. . . Bassit la ti dina nakatayan, no di na inpaulog ti “bando de los saludos” (bilin na a mangipapilit iti pananglugay da kenkuana), iso a nangted iti damag na. !Asi pay! taltallo nga aldaw na pay la a naggapo iti probinsia ket jkasta unay a kinuttungannan! jo! jaddaytan ti nain daklan a tao, ti nagpaiduma iti laing, bukiradem dagita matmatam!
—?Asino? ?Dayta nakamurareg?
—Wen, iso dayta ni don Custodio, ni liberal a don Custodio, nakamurareg, ta adda panpanunutenna a maysa a gakat a napateg. . . !no kuman maaramid amin a panpanunot nga adda iti ulo na, sabali kuma ti adda! !a! lAddayta ni Makaraig a kaduam iti balay!
Agpayso, ta sumungad idi da Makaraig, Pekson, Sando val ken Isagani. Ni Tadeo, idi inna ida nakita, sinabatna ida, ket nagkablaaw.
—?Saan kay a umay?—sinaludsod kenkuana ni Makaraig.
—Di kam nakagatang iti biliete.
—Kaisuanna, adda palko mi,—insungbat ni Makaraig;— ni Basilio saan a makaumay. . . intayon.
