214
—Kas met ti sao ni don Custodio, ket tay pilyo naiturednak pay a kinablaawan! Ti Komision a inannugutna ti diktamen ti ponente, inannamunganna ti gakat ket kalaawanna dagiti agad-adal gapo iti ayat da iti Hi da ken iti tarigagayda nga agadal . . .
—No kasta, ngarod?
—Isuna la, a gapo ta panpanunutenda dagiti ar-arainid tayo, ken tapno kan saan a madadael ti gakat, kunana a maiparbeng a maysa kadagiti gimgimong dagiti praile iso ti mangiturong ken mangkita iti pannakaitungpal na, no kas ta dagiti doininiko dida kayat a itipon ti Akademya iti Unibersidad!
Sennaay ti mawaknitan nga allilaw ti immawat kadagidi a sasao; ni Isagani timinakder, ngem awan sinauna.
—Ket tapno maipakita ti iraraman tayo iti Akademya, —intuloy ni Makaraig,—maipakumit kadatayo ti panagsingir kadagiti ur-urok a ited ti tumunggal maysa, ket annong tay a ited ti masinger tayo iti agaywan-pirak a ikabilto dagiti praile, iso a mangtedto iti pakakitaan iti intay panangyawat. . .
—Kabesa de baranggay, ngarod, a!—kinuna ni Tadeo. —Sandoval,—kinuna ni Pekson,—addaytan ti "guantes” a pangkaritda, pidutemon!
—Puf, saan a “guantes" dayta, ngem iti angot na, kas la "medias" ti saka.
—Ket ti pay nakakatkatawa,—intuloy ni Makaraig,—ni Padre Irene ipatigmaanna a rambakantayo toy a naaramid iti maysa a daya wenno maysa a tapat nga agsilaw dagiti tumabuno, maysa a panangipaduyakyak dagiti agad-adal, a sangsangkamaysa, sangsangkabagkat, iti inda panagyaman ka dagiti tattao a bimiang itoy a banag!
—Wen; kalpasan ti pang-or a linak-am, intay agdaniw ken agyaman! Super flumina Babylonis sedimus!(1) —Wen: maysa a daya a kas ti daya dagiti balbalod! — kinuna ni Tadeo.
—Maysa a daya a tabunuantay amin a nakapanes ken intay pagbitlaan iti maipaay kadagiti natnatay,—innayon ni Sandoval.
—Maysa a tapat a pakatugtugan ni Marseliesa ken da giti tugtugtog ti natay,—inggakat met ni Isagani.
—Saan, gagayyem,—kinuna ni Pekson, a nagkatawa iti
katawa ti duldog: — tapno marambakan dayta nga aramid,
_________
1 Intay agtugaw iti rabaw iti apoy a nanguram iti Babilonia.
