248
dado, tattao, nga awan takem da, lallakay nga ab-abogado kada medmediko, nalabit napanda inggayat ti kabaelan da iti
agpeggad a kasasaad.
Nasaripatpatanna iti adayo ni gayyem na nga Isagani, iso a, sibebessag ken sibabara ti puso na, rumanraniag iti kinataer ti agkabanuag, inna pagsasawan dagiti sumagmamano a kaad-adalan na, napigsa ti timek na a kasla awan ania na kenkuana uray mangngeg ti amin ti lubong.
—Kasla di nakappapati, appo, kasla di nakappapati, a ti maysa a banag nga awan pateg na, iso ket ti mamagtaray ka datayon ket intay ket agtalawen a kasla billit-tuleng, gapo ta ginarawda ti pagbugaw! ?Iso aya daytoy ti umuna a pannakaibalod dagiti agad-adal a gapo iti paringgor ti wayawaya? <!Adino ti yan dagiti natnatay?, ?adino ti yan dagiti napalpaltugan? <jApay a intay aglikod ita?
—Ngem Casino ngata ti ang-ang a nagaramid kadagita a pikpiket?—sinaludsod ti maysa a nakaluksaw.
—?Ania ti pangpalpalutputam?—insungbat ni Isagani,— datayo awan pambaran tay a mangpalpalutpot, isuda ti agpalutpot! Kasangwanan ti intay panangammo no kasano ti pannakaisurat da, datayo awan pakasapsapulan tay a mangipakita iti ikakappon tayo iti Turay kadagiti kakanito a kas ti daytoy. Iti yan ti peggad, iso ti papanan tayo, ta iso ti yan ti dayaw! No ti sasawen dagiti pikpiket mayannatop iti takneng ken iti rikna tayo, uray si asino ti nagsurat, naimbag ti inaramid na, rebbengtay ti agyaman kenkuna ket intay dardarasen a itipon dagiti nagnagan tayo iti nagan na! No saan da a maikari kadatayo, ti panagkukua ken ti pakinakem tayo sumupiatda nga is-iso ket isuda ti mangikaluya kada tayo iti amin a intay pakaidaruman. . .
Ni Basilio, idi nangngegna dagiti kaskasdi a sasao, nuinan pay ayatenna unay ni Isagani, nagbaliktad ket pimmanaw. Masapol pay a mapan iti balay ni Makaraig, ta inna kasarita maipanggep iti utangen na.
Iti asideg ti balay daydi baknang nga agad-adal, nadlawna a dagiti tatao aggiinnarasaas ket agkikinniddayda iti nalmeng. Daydi bumaro, ta dina ammo no ania ti gapo dagidi, intuluyna a sitatalna ti nagna ket simbrek iti ruangan. Dua a Guardia Beterana ti simmabat kenkuana a nagsaludsod no ania ti kayat na. Ni Basilio naawatanna nga agadurdursok la ngamin, ngem dina mabalin ti agsanuden.
—Umayko kuma kitaen ni gayyem ko a Makaraig,—in sungbatna a sitatalna.
Dagiti guardia nagkinnitada.
