276
lang, no agsakitda iti sika, wenno bumsog ti buksit da, wenno adda bayangubong, isuna la a sao ti kastila ti inda lualuen
no kua:
Santo Fuerte,
Santo Immortal,
Libranos, Senor, de la peste
X de todo mal.(1)—Ti agas saan a bumurong, ngem masapol a isapsapo ti danom a bendita iti disso a nasaktan wenno masakit,—kunkunana.
Ngem aduda dagiti tattao a saan a mamatpati kadagidi a sasao, ket dida met ipato a panusa ti Dios ti pannakabalod ni Basilio. Kaskasdi met a dida pinatpati dagiti kunkunada a yaalsa kada naipikpiket, ta paggaammuda ngaruden ti kababalin daydi agad-adal a napalalo nagtalna ken nagannad, ket kinaykayatda nga inpagarop a daydi a naaramid, maysa la a panangibales dagiti praile, gapo iti panangsubbot na ken Juli iti inna pannakatagabo, ni Juli nga anak ti maysa a tulisan, a napigsa a kabusor ti maysa a mannakabalin a gimong dagiti praile. Ket gapo ta ammuda ti kinadakes daydi a gi mong dagiti praile ket inda pay malaglagip dagiti nakirmet a inna panagibalbales, daydi a pagarop iso ti inda pinati a kasla napaypayso ken adda pakaigapuan na.
—Naimbag la ket di, ta pinagtalawko iti balay ko!—kun kuna ni ermana Penchang; — diak kayat nga adda gura kaniak dagiti praile, iso ti gapo na a dinagdagko nga agsapol iti pirak.
Ngem ti ket pudno, lineddaangna ti pannakasubbot ni Juli: ni Juli iso ti mangisaop kenkuana nga aglualo ken agayuno, ket no nagbayag kuma pay la bassit, insaupna kuma pay a nagpenitensia. e’Apay, no dagiti papadi isaupda datao nga aglualo, ket ni Kristo natay gapo kadagiti basbasol tayo, di ket mabalin nga aramidenen ni Juli ti kasdi a panangisaop na ken ermana Penchang?
Idi dimmanon ti damag iti abong a pagyanan ni nakakaasi a Juli ken ni apo na a lakay, daydi balasang nasapol a
pinaulitna iti namindua. Kinitana ni ermana Bali, nga iso
ti nangibaga kenkuana, a kasla dina naawatan, kasla dina
masurot ti nakem na; nagwengweng dagiti laplapayag na,
_________
1 Santo Dios,
Santo a napigsa,
Santo a Di-matay,
Ispalennakam, Apo, iti bayangubong
Ken iti amin a dakes.
