Ni Jul!
279
Ngem ti eskribiente awan mabalinna nga aramiden: ti balod adda sadi Manila ket saan a dumanon sadiay ti panna- kabalin na.
—¡No kuman iti la kabesera ti yan na, mabalin kuma pay!. . —kinunana nga inpasaw ti mabalinan na.
Ti eskribiente ammuna tinay a ti pannakabalin na saan a lumbes ti beddeng ti Tiani, ngem mainumo kenkuana a mataginayon ti naimbag a damag na ket mabati met ken- kuana daydi pindang a ugsa.
Ngem, mabalinkay a patigmaanan iti nasayaat unay, ket iso ti ipapan yo a dua ken Juli iti Jues de Pas. Masapol a mapan ni Juli.
Ti Jues de Pas, maysa a tao a nagubsang unay, ngem no makitana ni Juli, nalabit a saan unay nga aggubgubsang: toy iso ti pagsayaatan ti patigmaan.
Ti apo Jues dinengngegna a siraranga unay ni ermana Bali, nga iso nagsao, a dina ket liniwayan a kinitakita sag- paminsan daydi balasang a nakadumog dagiti matmata na ket napalalo a babain na. Kunanto pay ket dagiti tattao a madanagan unay gapo ken Basilio, dagiti tattao saan da a malagipen ti utang na a naimbag a nakem ken ti masasao nga iso ti nakaipuunan ti nakabaludan ti agad-adal.
Kalpasan ti namitlo wenno naminpat a panagtigab, ta ti apo Jues adda kenkuana toy naalas a kadawyan, kinunana a ti kakaisuna unay a makabalin a makaispal ken Basilio, iso ni Padre Camorra, NO KAS TA MAYAT—ket inna kinita ti balasang iti adda kayat na nga ibaga. Iso ipatigmaanna kenkuana nga ikalikagumna nga iso, ti balasang, ket saan a sabali, ti makisao iti kura.
—Ammuyon ti mabalinan na; iso ti mangilusot ken apoin a lakay iti pagbaludan. . . Umanay ti maysa a sao na tapno maibelleng ti maysa a kayan-anak wenno maispal iti ipapatay ti maysa a mabitay.
Ni Juli awan sao na, ngem ni ermana Bali kasna itay nabasa daydi a patigmaan iti maysa a nobena: sidadaan a manguyog kenkuana a mapan iti konbento. Nangruna, ta mapan pay manglimos iti maysa nga eskapulario, babaen ti pannangted na iti maysa a salapi.
Ngem ni Juli iwingiwingna ti ulona ket madi piman- man a mapan iti konbento. Ni ermana Bali, ta kasna atapen ti puon ti pagadian na—ni Padre Camorra nagnaganenda iti NI KABAYO, ket naalikuteg unay—inna pinagtalna.
—¡Awan kabuteng mo! ¡no kuyugenka met!—kunkunana;—¿saan mo a nabasa iti pagbasaan a Tandang Basio nga
