- Panagsala iti rabaw ti maysa
- a bulkan.
Idi agpatit ti maikapito nga uras ti rabii, agdadatengen dagiti naawis: immuna dagiti didios a babassit, nanumo nga empleado, jepe de negosiado, agtagtagilako, kdmpy., iti damo, napalalo a naguneg ti inda panagkikinnablaaw ket dagiti gunggunay da nakarangranga, a kasla itay nabiit pay unay a inda sinursuro: ti kasta unay a silaw, daldalingding ken sarsarming adda gayam magapuda. Kalpasan na nangin-inutda met la a mangiwaksi kadagidi a tigtignay, ket idi kuan, agdidinnisnugdan iti awan makadkadlaw, agsisinnipatda iti tian ket adda pay nakailaem a nagpipinnateltel iti inggagayyeinan. Pudno nga addada met dadduma, a kas da la silalais tapno in da maipakita a marmaruamda kadagiti nasaysayaat pay ngem daydi, ¡ni, ania met! Adda diosa a nagsuyaab a nasarakanna nga iso amin, bin-ig a kasta-kasta, ket kinunana nga agsaraaw ti buksit na; adda pay maysa a nangapa iti dios na, nga inlayatna pay ti imana ta sipatenna kuman. Ni don Timoteo kumablaaw ditoy ken sadiay; umisem, pagkutienna ti siket na, agsanod, agsubli, agpuligos, kdmpy., a kasta unay, ta adda pay maysa a diosa a nagkuna iti kinaabay na nga insalingedna ti paypay na:
—¡Gayam, ania ket a kinatibker nan! Mia ke paese un fantoche!(1)
Idi kuan, simmangpet dagidi nagasawa, a kinuyog ida ni
dunia Victorina ken amin dagiti napan. Kabkablaaw, petpet
pet dagiti im-ima, apagapaman a sipat, kas panangigaga, iti
nobio, dagiti lallaki inda iturong iti nobia ti ikikita da a mabaybayag, nagartem, naamiris; dagiti met babbai am-amirisenda ti aruat na, dagiti balbalitok na, pattapattaenda ti pigsana, ti salun-at na, kdmpy.
__________
1 Kitaem ket kas la maysa a banbanti!
