19
bassit ti panagsaona, saan nga agtabako, ket saan met a na-
tangsit ti garaw na, saan na a kabain ti makilaok kadagiti
dadduma a tattao ket subalitanna met dagiti manglugay ken-
kuana iti naragsak ken nalinis a pamayan, a kasla itay iso't
mapadayawan ken makayaman unay. Lumakayen, dagiti bu-
buok na ngannganida uban aminen; ngem ti salunt-at na kas-
la napigsa pay laeng, ket nupay situtugaw, ti siket na siunnat
ket ti ulo na sililinteg, ngem saan a natangsit ket di met na-
palangguad. Naigidiat kadagiti kaaduan dagiti papadi a pi-
lipino, nupay bassit da met ket di piman, a kadagidi a taw-
tawen addada nga agkukuadjutor wenno addada a mangisa-
saop a kura kadagiti il-ili, iti kinatakneng ken kinadayag, a
iso ti mangipakita nga ammuna nga ilalaen ti kasasaad ti ki-
natao na ken ti kinapateg ti galad na. Ti bassit a pananga-
miris iti langa na, no di pay la umanay dagiti puraw a bubu-
ok na, ipamatmatna a dagos a kukua ti sabali a tawen, sabali
a kapututan; kukua dagidi al-aldaw, idi ta dagiti kalalaingan
nga agtutubo dida kabuteng a isaranget ti kinadayag da, a
mapan agpadi; idi ta dagiti papadi a pilipino kitaenda dagiti
praile, a kasda kapadpada uray si asino da; idi ta ti kinapadi
saan pay a naidadanes ken nadadael, ket dumawat idi kadagiti
tattao a siwawaya ket saan nga adipen, saririt a nangato ket saan
a pakinakem a paspasurot. Iti rupa na a naliday ken nadaeg,
mabasa ti talna ti kararua na a napapigsa iti panagad-adal ken
panagpanpanunot, ket nalabit, naipadasen kadagiti tutuu-
ken ti puso. Daydi a padi iso ni Padre Florentino, nga uliteg
ni Isagani, ket ti pakasaritaan ti biag na, ababa unay.
Anak ti maysa a nabaknang unay ken nasayaat ti panna- kaikabagyan na a taga Manila, nataer ket naparangkapan iti ingget sudi a talugading nga agraniag iti lubong, kaano man dina narikna ti ayat nga agpadi; ngem daydi ina na, maipu- on kadagiti karkari a nalpasna nga inaramid, pinilitna a simb- rek iti seminario, kalpasan dagiti saan a bassit a sussusik ken supsipiat. Daydi inana, gayyem na unay ti arsobispo; ti pa- kinakem na kas la landok iti kinatangken, ket di met mapag- baliw, a kas amin a babbai a nasingpet, a ipagarupna no maawatanna ti pagayatan ti Dios. Awan nagpapaayan ti isu- supiat ni bumaro a Florentino, awan nagpapaayan ti panag- dawdawat na, awan nagpapaayan ti panangipudno na nga adda ay-ayaten na, agraman pay iti inna panangaramid iti saan a mainumo; masapol nga agpadi, ket nagpadi nga agpayso idi agtawen iti dua pulo ket lima: inordenan ti arsobispo, ti im- muna a misa na narambakan iti kasta unay, tallo nga al-aldaw HISTORICAL DATA BANK
NHI
35
