- 55
Ket ni Ben-Zayb inna tinulad ti timek ti maysa a katedra- tiko nga inna inyugis-ugis iti angin ti tammudo na, a kasta unay ti siddaaw na iti laing ti isip na ta ammuna man a patau- den kadagiti awan pateg da a banbanag ti kasta ti kaado a sasao. Ket gapo ta nakitana ni Simoun a kasla agpanpanunot, ket inpagarupna a dagiti sasaona isuda ti nakagapo, sinalud- sudna kenkuana no ania ti panpanunuten na.
—Dua a banbanag a napateg unay,-insungbat ni Simoun, -dua a salsaludsod a mabalinyo nga inayon ita isurat yo. Umu- na: ¿ania ti nagangayan daydi sairo idi ta iti apagdarikmat, adda a naipupok iti uneg ti bato? ¿nakatalaw? ¿nabati sadiay? ¿napisit? Ket maikadua: ¿dagiti ay-ayop a bimmatbato a nakit- kitak kadagiti nadumaduma a musmuseo sadi Europa pinag- balin met ngata ida a bato ti maysa a santo idi saan pay a nag- layos iti sapasap?
Ti timek daydi joyero napasnek unay, ket ti muging na inna pay insadag iti murdong ti tammudo na, a kas pangilasi- nan iti dakkel a duadua na, ket ni Padre Camorra, gapo iti kasdi a nakitana, kinunana a siraranga met:
-¡Ammo kadi, ammo kadi!
Ket tangay sarsarita dagiti sasawen, ket ita sumbrektayon iti danaw,-kinuna ni Padre Sibyla,-ti Kapitan ado ngata ti ammo na...
Iti daydi a kanito, ti sasakayan sumsumbrek iti sabangan ti danaw, ket ti buya a nayukrad kadagiti matmata da napalaos nagsayaat. Isuda amin inda nasnaayan. Iti sango, makita ti nakatartaraki a danaw, a linawlaw dagiti naganos a ig-igid na ken dagiti balbag a banbantay na, maipadpad man iti maysa a sarming a nagpaiduma iti kadakkel, a nabassikawan kadagiti agkakapateg a esmeralda ken safiro, sarming a paganninawan ti langit. Iti kanawan, makita ti nababa nga igid nga ado man dagiti luluek na a kasta unay nagsayaat, ket iti adayo, a kasla kumudrep, mailasin ti kawit ti bantay Sara (Sungay); iti sango, iti adayo, tumakder ti Makiling a siraranga, sitataer, nabala- ngatan kadagiti narasay a ul-ulep; ket iti katigid, ti puro Ta- lim, ti bantay Suso ti Balasang (Susong-dalaga) a mailasin a nalaing ti panagbukel na nga iso ti nangted iti nagan na.
Nalamiis a pul-oy ti mamagkuti a nakasamsam-it iti nala- wa a rabaw ti danom.
-Apagiso, Kapitan,-kinuna ni Ben-Zayb a timmaliaw;- ¿ammoyo no adino a disso toy danaw ti nakatayan ti maysa nga agnagan iti Guevara, Navarra wenno Ibarra?
