nga adda maitedna kadagiti nabaybay-an ken makamkamat.
Iso ti gapo na a dinawatanda iti lima gasot a pisos a subbotna, ket inbaunda ti maysa a taga talon a nangibaga kadagiti
kabbalay na, ket inpatalgedda a no adda maaramid iti binaonda, ti biag ni Kabesang Tales ti agbayad. Dua nga aldaw
ti intedda a keddeng.
Ti damag linemmesna dagiti nakakaasi a kabbalay na iti naindaklan nga aligagaw ken nangruna la ngaruden idi na-ammuanda a dagiti sibil inda kamaten dagidi agar-arang. Ammo amin a tao a no kas pagarigan ta makapagsasarakda. ti umuna a maipatli iso ti kayaw. Daydi lakay saan a nakakisinay ket daydi balasang a sibebessag ken sikikigtot, namin-ado a kinayatna ti nagsao, ngem dina nabalinan. Ngem maysa a panunot nga adadda man a nakabutbutengen, maysa a panunot nga adadda man a nadangdangkesen iso ti nangaon ka dakuada iti kigtot da. Daydi taga talon a inbaon dagiti agar-arang kinunana a dagitoy nalabit a umadayuda, ket no agbayagda unay a mangted iti subbot na, mapalabes dagiti dua nga al-aldaw a naikeddeng, ket putulandanton ti ulo ni Kabesang Tales.
Toy pinagmauyungna dagidi dua nga agapo, nga agpadpada a nakapoy, agpadpada nga awanan kabaelan. Ni lakay Selo tumakder, tumugaw, umulog, umuli, dina ammo ti papanan na, dina ammo ti inna kamangan. Ni Juli kumamang kadagiti ladladawan dagiti sasanto, bilangbilangenna ti pirak da, ket daydi dua gasot a pisos saan a manayunan, madida nga umado; pagammuan, agaruat, ummungenna amin dagiti balbalitok na, paballaagan ken apo na a lakay, kayatna nga mapan kitaen ti gobernadorsilyo, ti ukom, ti eskribiente, ti teniente ti Guardia Sibil. Daydi lakay, wen amin a sungbat na, ket no saan, kuna ni Juli, saan, kunana met Idi kuan, nagdadateng dagiti dadduma a karkarruba a kakabagyan ken gagayyem, addada napangpanglaw ngem dagiti sabsabali, agdadayundayuda iti kinaawan ti ammo ken kinamanagdandanag. Ti kaimbagan kadakuada amin, iso ni ermana Bali, nalaing a pumanggingi a nagyan sadi Manila a nagejersisio iti Beaterio ti Kompanya.
Ni Juli ilakuna amin a balbalitok na malaksid ti maysa a relikario a briliante ken esmeralda nga inted kenkuana ni Basilio. Daydi a relikario adda pakasaritaan na; inted ti maysa a monja, daydi anak ni Kapitan Tiago, iti maysa nga agkukutel; toy intedna met ken Basilio, idi inagasanna. Ni Juli saan na piman a mabalin a ilako, no dina umuna nga ibaga kenkuana.
