- 37
—Ngein, ala uray,—kunkuna ti nakemna: —maammuanto a kinaykayatko nga insalda ti bagik ngem ti relikario nga intedna kaniak.
Toy a panunot piman iso ti mangliwliwa bassit kenkuana ket kas piman itay agdardarepdep kadagiti bareng-barcng a tagtagainep. ?Arnmo kadi? Mabalin nga adda maarainid a milagio: bareng adda masarakanna a dua gasot ket lima pulo a pisos iti babaen ti ladawan ni Apo Santa Maria; ado unay dagiti nabasbasana a kakasdi a milmilagro! Mabalin pay a ti init saan a lumgak ket ti bigat saan nga agpatak, ket iti kasta, abakenda met ti ringgor. Mabalin nga agsubli ni amana, mabalin a umay ni Basilio; wenno makasarakto iti sangastipot a balitok iti bangkag, dagiti agar-arang ibaunandanto iti supot, ti kura, ni Padre Camorra, a kanayon a mangang-angaw kenkuana, mabalin a umay a kadua na dagiti agar-arang. . . dagiti ar-arapaap na naglalaok ket nakusukusuda, idi kuan, gapo piman iti bannog na ken kadagiti pay ladladingit na, nakaturog ket inna pinarparmata ti kinaubing na iti tengnga ti bakir; adda kan pay idi nga agdigdigos iti waig, a kadua na dagidi dua a kakabsat na, addada ikikan a babassit nga adda amin a buya, a patiliwda lattan a kasla ang-ang ket iso, malukluksaw, ta dina maay-ayatan ti agtiliw kadagiti babassit a ik-ikan a naglaos nagang-ang; ni Basilio adda kan iti uneg ti danom, ngem ni Basilio, a dina ket ammo ti gapo na, rupa met ni kabsat na a Tano. Ti baro nga apona, palpaliiwenna ida manipod iti igid.
