- 43
a ilakon . . . !Awan la ti di nalaing nga agsapol iti pirak ditoy,
datao la ti saan!
Ket nagturong iti balay na, nalawlawag, iti balay ni Kapitan Tiago, a banbantayan ti maysa a tao a katalek da. Toy, a kasta unay panagraem na kenkuana nanipod idi nakitana a nangiwa-iwa iti lasag ti maysa a tao nga inagasanna, a nakataltalna laeng a kasla ket itay manok ti iwa-iwaennan, ururayenna, ta inna padamagan. Dua kadagiti tattao da, addada a balod, ti maysa, maibelleng iti adayo. . . adtida dagiti natay a nunuang.
—!Kanayon met la a dayta, iso met la nga iso!—ti insungbat a makaal-alidunget ni Basilio;—jkanayon a dagita ti inkay ipaspasabat kaniak!
Daydi bumaro, nupay saan a nauyong, gapo ta masansan a ung-ungtan ni Kapitan Tiago, kayatna met a ungtan dagiti adda iti babaen na. Daydi lakay simmapol iti baro a damag.
—!Adda natay a katalunan tayo, daydi lakay a mangayaywan iti bakir, ket ti kura dina kinayat a inpunpon, a kas napanglaw, ta kunana a baknang ti apo na!
—?Ket ania ti inpatay na?
—!Kinalakay na!
—!Gayam, inpatayna ti kinalakay na! !No kuman sakit ti inpatay na!
Ni Basilio, iti gagar na nga umamiris kadagiti lalaem ti tao, nga agsapol iti gapo ti inpatay na, dagiti la saksakit ti kayat na nga am-amaden.
—?Awan sabali nga ipadamagyon? Ikkatenyo pay ti imas a mangan iti inkay panangibagbaga iti iso met la nga iso. d’Adda damag yo sadi Sagpang?
Daydi lakay iso ti sinaritana ti panangtiliw dagiti agararang ken Kabesang Tales. Ni Basilio nagpanunot ket saan a nagtimek. Naikkat a naminpinsan ti imas na a mangan.
