Page:Tohtarğazı. Naleyi Qırım. 1910.pdf/18

— 16 — 16

8

Bize para kerek!

1

Bu dünyada er şey para,

Başta - para, soñ baht ara.
Raat ister iseñ - para
Kerek para, para, para!

2

Din ögrenmek içün para,

Onı kütmek içün para,
Dünya bilmek içün para,
Kerek para, para, para!

3

Yatsañ para, qalqsañ para,

Doğsañ para, ölseñ para,
Sağ ve hasta olsañ - para,
Kerek para, para, para!

4

Er şeyle aletdir para,

Dünyada quvetdir para,
Ahrette cennetdir para,
Kerek para, para, para!

5

Durma, çalış, qazan para!

Soñ dünyada raat ara!
Onsız derler,yüzüñ qara,
Kerek para, para, para!

6

İç bir şey bilmez fuqara,

O bilir kimde var para,
Baq buña, düşün bir para,
Kerek para, para, para!

7

Alemle çoqtır ora-bura,

Er erde üküm ider para,
Kimden isterseñ sora,
Kerek para, para, para!

8

Tatarıñdır şimdi sıra,

Oqusun bizim fuqara,
Ögrensin bir üner, zira
Kerek para, para, para!

9

Vurma, Şamil, şeyhe yara,

Sen halqa sofulıq yora,
Yaramaz kendiñe, soñra -
Deme para, para, para!

10

Yoq, efendim, bu yayğara

Vaciptir aç köz baylara,
Demeli bugünden soñra -
Başıñdan qalsıñ para, para!