SOWELI li tawa mute. JAN TU en JAN KUNTULI li weka pakala tan monsi ona, li tawa ma.
JAN TU & JAN KUNTULI
IKE A!
SOWELI
(lon pilin monsuta)
MU! mu mu MU MU!
JAN KUNTULI
a... tenpo ni la mi sona. mi pakala.
JAN TU
taso pona la, ona li ike suli ala!
JAN KUNTULI li kama tan ma, li kama lon noka. ona li pake lili, li pana e luka ona tawa JAN TU. JAN TU li kama tan ma kepeken luka pi JAN KUNTULI.
JAN KUNTULI
tenpo mute la mi pakala sama ni...
JAN TU
ala! pakala ni li tan sina ala! ale li pona.
SOWELI li tawa sike lon ILO NANPA.
SOWELI
mu! mu mu!
JAN TU en JAN KUNTULI li lukin tawa SOWELI.
JAN TU
a, ni li seme?
JAN TU li tawa li kama jo e ILO NANPA.
JAN KUNTULI
ona li... ilo nanpa! li ilo pi nasin nanpa pi toki pona!
JAN TU
aaa... ona li suwi mute!
ILO NANPA li open e oko ona.
