"ಪುರುಷರೆ ಪುಲ್ಲಿಂಗಂ.
ಸ್ತ್ರೀಯರೆ ಸ್ತ್ರೀಲಿಂಗಂ, ಮಿಕ್ಕುಳಿದವು ನಪುಂಸಕ"
ಇನ್ಪಿನ ಆಯನ ಪಾತೆರೊದ ಲೆಕ್ಕೊ, ಬುದ್ಧಿದಾಂತಿನ ಮಾತಾ ವಸ್ತುಲು
ನಪುಂಸಕ ವರ್ಗದವು ತುಳುಭಾಷೆಡ್‌ ಇಂದ್ ದ್ ತೆರಿವೊಡು. ಆಣ್ ಪೊಣ್
ಗುರುತು ಮಾಳ್ಪರೆ ಆವಂದಿನವು, ಬುದ್ಧಿದಾಂತಿನವು ಮಾತಾ ಭಾಷೆಡ್ಲಾ ದಿಂಜ.
ಸಂಸ್ಕೃತ, ಜರ್ಮನ್, ಫ್ರೆಂಚ್ ಭಾಷೆಡ್ ಈ ಅಂಗ ಭೇದನೆ
ಪಾತೆರೊ ಕಳ್ಪುನಕಳೆಗ್ ಪ್ರಯಾಸದ ಕೆಲಸ. ಆಯಾಯ ಪದಲೆಗ್ ಕೋಶ
ನಿರ್ಣಯ ಮಾಳ್ತಿನ, ಸ್ತ್ರೀ, ಪುಲಿಂಗಲೆನ್ ನೆನೆಪುಡು ದೀವೊಂಬಿನ ಅಗತ್ಯ
ಈ ಭಾಷೆಲೆಡ್ ಇತ್ತಂಡ, ತುಳುವೊಡು ಈ ಶ್ರಮ ಇದ್ದಿ.
7.32 ಪುಲ್ಲಿಂಗ: ಶಬ್ದರೂಪೊಡು ಅಣ್‌ಜೇವು ಇನ್ಪಿ ಅರ್ಥಕೊರ್ಪಿನವು,
ಪುಲ್ಲಿಂಗ ಉದಾ: ಅರಸು, ಅಪಯೆ, ಅರವತೆ, ತಗೆ, ಪರಭೆ, ಪಲಯೆ,
ಮದುಮಯೆ, ಕವಿ , ರಾಮೆ , ಸನ್ಯಾಸಿ,ಸಿದ್ದಮ್ಮೆ ಪೆರಿಯಮ್ಮೆ ಇತ್ಯಾದಿ.
7.33 ಸ್ತ್ರೀಲಿಂಗ: ಶಬ್ದ ಪ್ರಯೋಗೊಡು ಪೊಣ್‌ಜೊವು ಇನ್ಪಿ ಅರ್ಥಬರ್ಪಿನವೆ
ಸ್ತ್ರೀಲಿಂಗ, ಉದಾ: ಅರಸಿ (ರಾಣಿ), ಅಮ್ಮ(ಅಪ್ಪೆ), ಕವಿಯತ್ರಿ, ತಂಗಡಿ, ಪಲಿ,
ಮರ್ಮಾಳ್, ಮದುಮಾಳ್‌, ಪೂಮಾರುನಾಳ್, ರುಕ್ಮಿಣಿ, ಸೀತೆ, ಸಿದ್ದಪ್ಪೆ
(ಶಿದ್ದಪ್ಪೆ / ಸಿದ್ದಪ್ಪೆ ), ಪೆರಿಯಪ್ಪೆ, ಸನ್ಯಾಸಿನಿ ಇತ್ಯಾದಿ.
7.34 ಆಣ್,ಪೊಣ್ ಭೇದದಾಂತಿನ ಬುದ್ಧಿಹೀನ ಮಾತಾ ಪ್ರಾಣಿ, ವಸ್ತುಲು
ನಪುಂಸಕ ಲಿಂಗದಯಿಕುಳು, ಉದಾ: ಇಲ್, ಪಿತ್ತಿಲ್, ಕುದುರೆ, ನಾಯಿ,
ಕಲ್ನಾರ್, ಮರ, ಮೋಡ, ಗಾಳಿ, ಪೂವು, ಕಡಲ್, ಬೊಳ್ಳಿ , ಬಂಗರ್, ಬಾನ್,
ಸೂರಿಯೆ, ಚಂದ್ರೆ ಇತ್ಯಾದಿ ಅಂಡ ಕೆಲವು ನಪುಂಸಕ ವರ್ಗದ ಪದಲು
ಪುಲ್ಲಿಂಗ, ಸ್ತ್ರೀಲಿಂಗ ರೂಪ ದೆತೊಂಬಿನವು ರೂಢಿಡುಂಡು, ಉದಾ: ಸೂರೈ
ಮೂಡಿಯೆ, ಚಂದ್ರೆ ಕಂತಿಯೆ ಇನ್ಪಿನವುಲು ಇಂದೆಕುಳು ಪುಲ್ಲಿಂಗರೂಪದವು.
ತಿಂಗೊಳ್ ಕಂತ್‌ಂಡ್ ಇನ್ಪಿ ಪಾತೆರೊಡು ಅವೇ ಚಂದ್ರೆ ನಪುಂಸಕ
ಲಿಂಗವಾಪುಂಡು. ಇ೦ಚಿನ ಪುಲ್ಲಿಂಗ -ನಪುಂಸಕ ಪತ್ತುನ ಶಬ್ಧಲು
ಪುನ್ನಪುಂಸಕ ಲಿಂಗ ಇಂದ್ ದ್ ಪುದರ್ ದೆತ್ತೊ೦ಬಾ, ಇಂದೆ ರೀತಿಡ್, ಸ್ತ್ರೀ
ನಪುಂಸಕ ಲಿಂಗ ಪತ್ತುನ ಶಬ್ಧಲು ಉಳ್ಳ ಉದಾ: ಲಕ್ಷ್ಮಿ ಒಲಿಯೋಳ್ ,
ಕಬೆತಿ ಬತ್ತಾಳ್ ಇನ್ಪಿನವುಲು ಪೂರ್ಣ ಸ್ತ್ರೀಲಿಂಗರೂಪ ಪಡೆದುಳ್ಳ ಲಕ್ಷ್ಮಿ
ಒಲಿಂಡ ಬೇತೆ ದಾನೆ ಬೋಡು? ಕಬೆತಿ ಬತ್ತ್oಡ್ ಇನ್ಪಿನವುಲು ಅವೆ
ಪದಲು ನಪುಂಸಕವಾದುಳ್ಳ ನನ ಜೋಕುಳು ಬಾಲೆಲು
ಪಾತೆರ್ಪಿನವಾಂಡಲಾ, ಬುದ್ಧಿವಂತೆರಾಂಡಲಾ, ಬುದ್ಧಿದಾಂತಿನಯಿಕುಳೆನ
ಸಾಲ್‌ಡ್ ಬತ್ತ್ ದ್ , ನಿತ್ಯ ನಪುಂಸಕವಾದ್, ಸ್ತ್ರೀಲಿಂಗ, ಪುಲ್ಲಿಂಗ ಭೇದ
ವರ್ಜಿತವಾದುಪ್ಪುನವೆನ್ ಗಮನಿಸೊಡು. ಅಂಚಾಂಡಲಾ, ಇಂಚಿನ ಮಿಶ್ರ
ತುಳು ಪಾತೆರೊ
