ಗಮನೊಗು ಬರೊಡು. ಇನ್ನಗ ಈ ಕ ಇನ್ಪಿ ಟೈಪ್ ಮೊಳೆಟ್ ಕ್ಇನ್ಪಿ ವ್ಯಂಜನ + ಅo ಇನ್ಪಿ ಅತ್ಯಂತ ಎಳ್ಯ ಉಚ್ಚಾರದ ಸ್ವರ ಸೇರ್ದ್ (ಹೃಸ್ವ ಅಕಾರ + ಉಕಾರ ಧ್ವನಿಮೆ) ಸೇರ್ದ್, ಅವೊಂಜಿ ಸ್ವರಾಂತ ಅಕ್ಷರವಾಪಿನ ರೀತಿ ಕುತೂಹಲಕಾರಿ ಆದುಂಡು. ನನ ಈ ಕ ಅಕ್ಷರೊಗು ದೀರ್ಘ ಚಿಹ್ನೆ ಾ
ಸೇರ್ದ್ ಕ್ + 'ಾ = ಕಾ ಆಪಿನವು ಕೂಡಾ, ಸಂಧಿ-ಅಕ್ಷರದ ನಿಯಮಗ್
ಅನುಸಾರವಾದೇ ಉಂಡು. ಈ ರೀತಿದ ಶ್ರವಣ-ಚಾಕ್ಷುಕ ರೀತಿಡ್ ತುಳು
ಪಾತೆರೊದ ವರ್ಣಮಾಲೆ ಸಿದ್ಧವಾಪಿನ ರೀತಿನ್ ವಿಷದವಾದ್ ಧ್ವನಿಮಾ
ಶಾಸ್ತ್ರೋಡ್ (೪. ಅಕ್ಷರ ಪ್ರಕರಣ) ಗಮನಿಸೊಡು. ಸಧ್ಯ ಮುದ್ರಣದ ಕ
ಸಂಜ್ಞೆ ಒಂಜಿ ಪೂರ್ಣ ಸ್ವನಾಕ್ಷರ (Phoneme), ಇನ್ನಗ ಉಚ್ಚಾರ ಮಾಳ್ಪೆರೆ
ಆಪಿನ ತೀರಾ ಎಳ್ಯ ಧ್ವನಿ ಇಂದ್‌ದ್ ತೆರಿಂಡ ಇಯಾರು. ತುಳು ಭಾಷೆಡ್
ತೀರಾ ಹೃಸ್ವರೂಪದ ಆಕಾರವೊಂಜಿ (ಅ + ಉ ) ಇನ್ಪಿ ಅಘೋಷ ಹೃಸ್ವಸ್ವರ
ಧ್ವನಿಮೆ ಇಪ್ಪುನ ವಿಷಯ ತೆರಿದ್, ಅo, ಆ, ಆ ಇನ್ಪಿ ಮೂಜಿ ಅಕಾರ
ಧ್ವನಿಮೆಲು ಇತ್ತೆದ ರೂಢಿಡ್ ಇಪ್ಪುನ ಪಾತೆರೊದ ದಾಟಿಗ್ ಅವಶ್ಯ ಇನ್ಪಿ
ಸಂಗತಿ ಗಮನೀಯ.
೦೬. ನನ ಒಂಜಿ ಗಮನಾರ್ಹ ವಿಷಯ: ತುಳುವ ಒಂಜಿ ನಾಗರೀಕ ಭಾಷೆ ಅಂಚನೆ ಈ ಪಾತೆರೊದ ನಾಡ್‍ಡ್ ಪ್ರಕಾಶವಾಯಿನ ಸಂಸ್ಕೃತಿ ಜಗತ್ತ್‌ದ ಉನ್ನತ ಸಂಸ್ಕೃತಿಲೆಗ್ ಕಮ್ಮಿಯಾದಿಜ್ಜಿ. ತುಳು ಭಾಷೆ ಸಾಂಸ್ಕೃತಿಕ ಭಾಷೆ(cultured language) ಇನ್ಪಿ ವಿಷಯೊನು, ನೂದು ವರ್ಷ ಪಿರಾಕ್ಡೇ, ಬಿಶಪ್ ಡಾ| ಕಾಲ್ಡ್‌ ವೆಲ್ಲ‌ರ್, ಗೌರವಪೂರ್ಣವಾದ್ ಒಪ್ಪಿದೆ‌ರ್.
ಅವು ಒಂಜಿ ಜಾನಂಗಿಕ ಆಡುಭಾಷೆ ಅತ್ತ್. ಇನ್ಪಿ ವಿಷಯ ನಂಮ ಮನಸ್ಸಡ್ ನಿಲೆ ಆವೊಡು. ತುಳುವದ ಎವ್ವೆ ಒಂಜಿ ಬುಡಕಟ್ಟ್‌ದ ಪಾತೆರೊ. ಅವ್ವೆತ್ತಾ ಆದಿದ್ರಾವಿಡ ಜನಮಾನಿಡ್ ಪತ್ತ್‌ದ್, ಬೆನ್ಪಿನ ಬಹುಸಂಖ್ಯಾಕರೆನ್ ಕೂಡೊಂದು, ಮೇಧಾವಿ ಬ್ರಾಹ್ಮಣ ವರ್ಗದ ಸಮಾಜಲು ತುಳುನೇ ಮಾತೃ ಭಾಷೆ ಆದ್ ಪಾತೆರ್ವೆರ್. ತೆಂಕೈ ಕಾಸರಗೋಡ್ಡ ತುಳುವೆರ್ ಕರ್ನಾಟಕೊಡ್ದ್ ಪಿದಾಯಿ ಇತ್ತೆ ಉಳ್ಳೆರ್‌ಡಲಾ. ಅಕುಳೆನ ಸಾಂಸ್ಕೃತಿಕ-ಮತೀಯ ಸಂಬಂಧಲು ಈ ತುಳುವ ನಾಡುಡೇ ಒರಿದುಂಡು. ಅವೆನ್ ಕಡ್ಪುನವು ಭಾಷಾ ದೃಷ್ಟಿಡ್ ವಿವೇಕರಹಿತ. ದಾಯೆಗಿನ್ನಗ ಈ ಭಾಷೆ ಜನಮಾನಿನ ಸಾವಿರ ಕಾಲದ ಇತಿಹಾಸೊನ್, ಪ್ರಾದೇಶಿಕ ಸಂಬಂಧ ಎಂಚ ಬಲತ್ತೊಂದು ಬತ್ತಂಡ್ ಇನ್ಪಿ ಅನೇಕಾನೇಕ ಸಂಗತಿಲೆನ್ ನಮ ಕೆಬಿಟ್ ಕೇಣ್ಪಾವುಂಡು. ಕಾಲಕಾಲೊಡು ಉಂಡಾಯಿನ, ಮೂಡ್ದ್ ಬೈದಿನ ಜನಮಾನಿನ ಶೌರ್ಯ-ನೀತಿ-ನಿಯಮ ಅಕುಳೆನ ಕಷ್ಟ, ಸುಖ, ಜೀವನ ಪದ್ಧತಿ, ಪೂಜಾವಿಧಿ ಇತ್ಯಾದಿ ಅಡಕವಾದಿಪ್ಪಿನ ಸಂಪೂರ್ಣ ಸಂಸ್ಕೃತಿನ್ ಮುಚ್ಚುಮದೆದಾಂತೆ ತೋಜಾವುನ ಒಂಜಿ ಸಾಧನ ಜನಮಾನಿನ ಈ ಪಾತೆರೊ, ಅಯಿಕೊಂಜಿ ಸಾಹಿತ್ಯ
ತುಳು ಪಾತೆರೊ
