ಪ್ರಕರಣ
15
ವಾಕ್ಯ ಪ್ರಕರಣ
Syntax
15.10 ಬವರಣೆ
15.20 ವಾಕ್ಯ-ವಿವರಣೆ
15.30 ಪರಿಭೇಧಲು
15.40 ಕರ್ಮಣಿ ಪ್ರಯೋಗ
15.50 ಇಂಗ್ಲೀಷ್ ವಾಕ್ಯ ಭಾಷಾಂತರ
ವಿವರಣೆ
15.10 ಈತನಟ ತುಳುವ ಭಾಷೆದ ಶಬ್ದನ, ಉಚ್ಚಾರ, ಆ ಶಬ್ದಲೆಗ್ ಸತ್ತುನ ಪ್ರತ್ಯಯಲು, ಪತ್ತಂಬಿನ ಅವ್ಯಯ ಪದಲು, ಪದ ಸಂಯೋಜನೆ, ತತ್ಸಮ-ತದ್ಭವ ಪದಲು ಇತ್ಯಾದಿ, ಅಕ್ಷರ-ಶಬ್ದಲೆನ ವಿಚಾರವಾದ್ ನಮ ತೂಯಾ, ಇಂದೆಕುಳು ಪಾತೆರೊಗು ಒದಗುವ ಮೂಲವಸ್ತುಲು(elements), ಬಡವುಗ್, ರುಚಿಕ್, ನಮ ತಿಂಡಿ-ತಿನಸುಲೆನ್ ಮಾಳ್ವುವಾ, ಅಡ್ಡಿಲ್ಲಡ್ ಈ ತಿಂಡಿ-ತಿನಸುಲೆಗ್ ಬೋಡಾಯಿನ ಪದಾರ್ಥಲು ಉಳ್ಳನೋ ಇಂದ್‌ ತೂವೊಂದು, ಅಕುಳೆನ ಸ್ವಚ್ಛ ಮಾಡ್ತಿದ್, ಮುಟ್ಟದೀವೊಂದು, ನಂತ್ರ ತೂ ಪೊತುಡುವಾ. ಇಂದೇ ರೀತಿಡ್ ಪಾತೆರೊ (ವಾಕ್ಯಲು) ಸಿದ್ಧವಾಪಾ ಮೂಲದ್ರವ್ಯಲು ಇತ್ತ್ಂಡಲಾ ತಿಂಡಿ-ತಿನಸುಲು ಮಾಳ್ವುನಾಯನ ಕುಶಲತೆಡ್ಸ್, ಉತ್ತಮ ವಾಕ್ಯಲು ತಯಾರಾಸಿನವು, ಉತ್ತಮ ರೀತಿದ ಶಬ್ದ ಉಚ್ಚಾರೊಡು ಸೇರ್, ಭಾವ-ಭಾವನೆಲು ಪ್ರಕಟವಾವರೆಗ್, ಕೇಣ್ಣಿನಾಯಗ್ ಸ್ಪಷ್ಟ ಅರ್ಥ ಕೊರ್ಪಾವರೆಗಾತ್ರ
15.11 ಪಾತೆರೊ ನಮ ಮನಸಿದ ಉದ್ರೇಕ ಚಿಂತನೆಲೆನ್ ಶಬ್ದ-ಸಂಜ್ಞೆನ ಮುಖಾಂತರ ಅಭಿವ್ಯಕ್ತಿ ಮಾಳ್ವುನಟ್, ಆ ಉದ್ರೇಕ-ಚಿಂತನೆಲೆನ್ ಪಾತೆರೊಗು ಅನುವಾದ ಮಾಳ್ವುವವೆ ಒಂಟಿ ಸಾಧನೆ. ಚಿಂತನೆ, ಉದ್ರೇಕಲು ಮೂಡುನವು ಅತ್ಯಂತ ವೇಗೊಡು, ಅವೆನ್ ಅಭಿವ್ಯಕ್ತ ಮಾಳ್ಳುವ
ಕಾರ್ಯ ಆತೇ ವೇಗೊಡು, ಅವೇ ಪೊರುಡ್ ನಡಪುಜಿ, ಉದಾ: ಪೆಟಲ್
217
