ಜೀವನ ಪರಂಪರೆಟ್, ಭಾರತ ಏತೋ ಸಾಧನೆ ಮಾಳ್ತೊಂದು, ವಿಚಾರಶೀಲ
ಮೇಧಾವಿಲು ಈ ದೇಶದ ಸಮಗ್ರ ಸಂಸ್ಕೃತಿಗ್ ಅಪಗಪಗ ತಂಕುಳೆನ
ಕಾಣಿಕೆ ಕೊರ್ತೆರ್, ಸುಮಾರಾದ್ ನಾನಾ ಅಂತಸ್ತುಲೆನ ದಾಂಟೊoದು ಬೈದ್oಡ್.
ಈ ದೇಶದ ಸಂಸ್ಕೃತಿಗ್ ಸಾಕ್ಷೀಭೂತವಾದ್,ಈತ್
ಕಾಲೊಡ್ಡಿ೦ಚಿ ಪವಿತ್ರ ಪಾವನ ರೂಪದ ಗಂಗಾನದಿ ಒಂಜೇ ಲೆಕ್ಕೊ
ಪರತ್ತೊಂದುಲಾ ಬೈದ್ಂಡ್.
18.11 ನಂಕ್ ತೆರಿದಿನ ಲೆಕ್ಕೊ , ಗ್ರೀಕ್ ಒಂಜಿ ಕಾಲೊಡು, ಕ್ರಿ.ಪೂ.
ಒಂಜನೆ ಶತಮಾನದ ಮುಟ್ಟ, ಉಚ್ಛಾಯ ಸ್ಥಿತಿಟ್ ಇತ್ತಿನ ಪ್ರದೇಶ.
ಅಯಿಟಿತ್ತಿನ ಸಂಸ್ಕೃತಿದ ಫಲವಾದ್ ವಿವೇಚನಾಪೂರ್ಣವಾದ್ ಆಲೋಚನೆ
ಮೇಧಾವಿಲು ಉದ್ಭವವಾದಿತ್ತೆರ್. ಕ್ರಿಶ್ಚಿಯನ್ ತತ್ವಲು
ಯೂರೋಪುನ್ ಮುಟ್ಟುನ ಕಾಲೊಡು ಆ ತತ್ವಲೆಗ್ ಗ್ರೀಕ್ ಜನ
ಉದಾಸೀನೊಡ್ದಾ ,ದುರಂಕಾರೊಡ್ದಾ ಆಶ್ರಯ ಕೊರಂದೆ ಪೋಯೆರ್.
ಪರಿಣಾಮವಾದ್ ರೋಮ್ ಸಂಸ್ಕೃತಿ ಉದ್ಭವವಾದ್ ಕ್ರಿಶ್ಚಿಯನ್ ತತ್ವದ
ಕೇಂದ್ರವಾಂಡ್, ಸಾಮ್ರಾಜ್ಯ ಶಕ್ತಿಡ್, ಗ್ರೀಕ್ ಸಂಸ್ಕೃತಿನ್ ದಿಕ್ಕರಿಸಾದ್,
ಯೂರೋಪುದ ಆಧುನಿಕ ಸಂಸ್ಕೃತಿಲೆಗ್ ಬುನಾದಿಯಾಂಡ್, ಲ್ಯಾಟಿನ್
ಭಾಷೆ ಗ್ರೀಕ್ದ ಪಾಕ ಶಬ್ದಲೆನ್ ಪಡೆತ್ತೊಂದು ಉತ್ತಮ ಸಾಹಿತ್ಯ ಭಾಷೆ ಆಂಡ್.
ಕ್ರಮೇಣ, ರೋಮನ್ ಸಾಮ್ರಾಜ್ಯ ಒಡೆದ್ ಪೋದ್
ಅಯಿತ
ನಾಮಶ್ಶೇಷವಾಂಡಲಾ,ಯುರೋಪುದ ನಾನಾ ದೇಶಲೆಡ್ ಸಂಸ್ಕೃತಿ ಒರಿದ್
ಪೊಂಡು, ತದ್ರೀತಿಡೇ ಲ್ಯಾಟಿನ್ ಭಾಷೆಲಾ ತುಂಡು ತುಂಡಾದ್
ಇಟಾಲಿಯನ್, ಫ್ರೆಂಚ್, ಸ್ಪಾನಿಷ್, ಇತ್ಯಾದಿ ಭಾಷೆಲು ಸ್ವತಂತ್ರವಾಯ. ಈ
ಭಾಷೆಲೆಡ್ ಸಾಹಿತ್ಯ ಬೆಳಗಾವೊಂದು, ಸಂಸ್ಕೃತಿ ಮಾತ್ರ ಒಂಜೇ ಆದ್
ಒರಿದ್ ಬತ್ತ್ಂಡ್,ಈ ಸಂಸ್ಕೃತಿಗ್ ಲ್ಯಾಟೀನ್ ಇತ್ತೆಲಾ ಒಂಜಿ ರೀತಿಡ್
ಪ್ರಸಾರ ಮಾರ್ಗವಾದ್ ಉಂಡು. ಅಂಚಾದ್, ಭಾಷೆ ಸಂಸ್ಕೃತಿಲು
ಒಂಜೆಕ್ಕೊಂಜಿ ಪೂರಕ,ಅತ್ತಾವಂದೆ ಸಂಸ್ಕೃತಿದ ಮಟ್ಟನ್, ರೂಪುರೇಖೆನ್
ತೆಲಿಪಾವರೆಗ್,ಭಾಷೆ ಕೂಡಾ ಸ್ವಚ್ಛವಾದುಪ್ಪೊಡು.
ಅಂಚಾದ್, ಸಂಸ್ಕೃತಿದ ಅಚರಣೆಡ್‌ ಅಂಧಶೃದ್ಧೆ ಆವಡ್ ಅವಿವೇಕತೆ ಆವಡ್
ಉಪ್ಪೆರೆ ಬಲ್ಲಿ. ಅಪಗನೇ ಸಂಸ್ಕೃತಿಲಾ ಭಾಷೆಲಾ ಏಕರೀತಿಡ್
ಪರಂಪರಾಗತವಾಪಾ, ಪರಂಪರೆನ್ ಒರಿಪಾವರೆ ಪಾತೆರೊ ಸ್ವಚ್ಛ ಸ್ಪಷ್ಟ
ಅದಿಪ್ಪುನ ಅಗತ್ಯ. ಉದಾಹರಣೆಗಾದ್ ಗ್ರೀಕ್ ಭಾಷೆ ಕ್ರಿ.ಪೂ. ಆಜನೇ
ಶತಮಾನೊಡೇ ಕಾವ್ಯ ಭಾಷೆಯಾದ್, ಇಲಿಯಾದ್, ಒಡೆಸ್ಸಿ ಇನ್ಪಿ ರಡ್ಡ್
ಕಾವ್ಯೊಲು ಯುರೋಪುದ ಸಂಸ್ಕೃತಿನ್ ತೆರಿಪಾವುನ ಸಾಹಿತ್ಯವಾದ್
ಫ್ರೆಂಚ್, ಸ್ಪಾನಿಷ್, ಇಂಗ್ಲೀಷ್,ಜರ್ಮನ್ ಭಾಷೆಲೆಗ್ ಸ್ಫೂರ್ತಿದಾಯಕವಾದ್
ಬತ್ತ್ಂಡ್. ಅಂಚನೇ ಭಾರತೊಡು ವೇದಕಾಲದ ಭಾಷೆ ಆ ಕಾಲದ
ಸಂಸ್ಕೃತಿನ್ ಅಭಿವ್ಯಕ್ತ ಮಾಳ್ಪುನವಾಂಡ್.
ತುಳು ಪಾತೆರೊ
