41
Sjarifah Moeda'im moewoes
ja talah pikir ingwang
ing waktoe sahiki ora nana lakoe
wong woes mati ingoelatan
toemoeli déning pinanggih
kadjaba ing zaman koena
pangroengoeningsoen lagi sjari'at dingin
Nabi 'Isa Nabi Dawoed
ikoe ia lok ana
wong mati oerip maning lan maning[1] ikoe
wong mati kena dèn-djoegdjag
dèn-sandjani ing wong oerip
kelakon pada potjapan
doepi samangko sjari'at rasoel mangkin
ing sapangroengoeningsoen
woes tan ana mengkana
lengkara temen kang sira sedya ikoe
sadangoenira[2] mengkana
radja 'Oenqah sinoeng oening
sedajané[3] kang ponakan
kadi mengkana radja 'Oenqah ngampoehi
inggih[4] sapoeniki sampoen
pon paman asedija
ingkang badé ngasrèni poetra ngadeg[5] ratoe
endi talah manggih ésak
noeli késah tamboeng kardi
Sjarif Hidajat anabda
langkoeng kasoehoen sihé rama kang kadi
robing kang segara madoe
goentoering ardi menjan
ananging[6] sinten kang tiasaha njendoeh
