GLIDÖ VOLAPÜKANES VALIK!
Ven romans pebevikodöl fa galänans eneviloms devätön paunis mil golüda, pesuseitöl as klitlipab, ma vätamafs tu vetik neflenas, Brennus, reg valüdik galänanas, lekoföl ejedom glafi oma su vetädajal sevoköl: “Vi pevikodöles!” Ifi siso sevokam at nemisaladik evedom pükedavödik, deno no binom atüpo nom plo dunamamod paletas vikodik, ibo noe menäl büdom spalön nefleni pebebikodöl, soi vised konsälom ceinön dub meiläd nefleni pevebikodöl al flen.
Lio umo plisip at pögeböl us, kö komip no zitom dub glaf e glop, kö palets bofik komipoms plo volekam döla otik dub vafs nobikum lisäla e nolüga, e kö ted if tefü mod volekama esätelom paletis.
No-li binos valiko smilik, if palets tel, rigadiko steiföl zeili ot, bekligoms balvoto jü pläkünos? No-li binos nelisälik, if palet balimik jedom valüdi stüma oma su vetädajal sevoköl “vi pebevikodöles!”ta palet votimik ekovoböl plo pakam döla ot? No-li mütom dub atos paleti votimik deflekön oki löliko de döl subimik? E no-li binos leigo nelisälik flanü palet pevikodik jötön u sago taön döli, plo kel vöno sovemo planimom, bi difs evedoms tefü mod volekama? No-li binos söt bligik plo alim paleta aikelik lenlägön döli nobik e steifön nämiko volekami ata nestü dif ceda?
Lilädel ya urätöl, kisi zeilob e döli kimik tikob, no blamomös, das is bepükob dinädi manifiko, keli publig no nolomös, o. b. dikodi volapükanas; ab nen dot vun te kanom pasanön stabiko, if puxamom sätiko. No kanos paklänöfön, das slitam dibik pefomom beü volapükans, ni kanos paklänöfön, das slitam at oglofom umo e umo, if med semik no patuvom e pagebom, al sefulön u ponön ati, e so leno kanos paklänöfön, das dikod at noe eneletom pakami glatikum volapüka, soi esälnimom züpelis vöno zilikün, sodas kovobels mödik vilöfik e vitimik elüvoms säki gletik, ifi ko pid gletikün.
Me vöds votik: Spel, keli elabobs tefü pakam volapüka, no pevolekom; tadilo, in yels bevü kongefs de München e de Paris mufam gönikum e liflikum esibinom e tefü literat volapükik e tefü stenüd numik volapükanas, ka pos dikod neläbik, e mutos pakoefön, das siso no mostep, sod gestep binom pöplotogöl tefü lanimam plo volapük.
Al finön stadi fätik at lezesüdos büo, das palets bofik zedoms kipami stübik; yilöf mutom pablöfön flanü palet balimik äs flanü palet votimik e palets bofik mutoms balamön luüno tefü yeg bal at: leno lüvön döli, ifi ceds difoms tefü mods al volekam ata.
Volapükaklub nolümelopik, konsidöl pöligi tädöl pakami, vo sägo
