Pened hiela A. de Jong söle: G. Ljusterdal 9

DR. ARIE DE JONG
PRESIDAN VOLAPÜKAKLUBA VALEMIK NEDÄNIK
SEKRETAN KADÄMA VOLAPÜKA

Nüm: 107.

‚Leiden‛ 1951 setul 26.

O flen digik!

Egetob danölo potakadi olik dätü d. 7^id amula se ‚Västerås‛. Vilob kredön vilöfo, das elabol timi jönik ä nitediki in ‚London‛.

Lobülob vemo, das espikol dö Volapük ko flens anik ola. Bü brefüp egetob potakadi se ‚Vaasa‛ (Suomiyän) de söl: ‚Erkki Kansikka‛. Binom-li balan flenes olik, keles egivol ladeti obik?

Leigüpü at potob ole as bükot eli ‚De Wereldtaal Volapük‛ fa ‚J. G. M. Reynders Sr.‛ (söl at lödom nu in ‚Den Haag‛ (Nedän), ‚Hugo de Grootstraat‛: 82.)

Ko glids flenöfik,

olikan:

Arie de Jong.

Vödem rigädik, neai pepüböl.