Pitla Storia bibia/N33

Gejù ressuscitea da mort.

L sclaiova di per l terzo iede do la mort de Gejù, canche Gesù ie ressuscità da mort y ie unì gloriosamënter ora dl sepolcher. Te chëla iel unit n gran teremot. L ie unit n angiul dal ciel, à sburdlà demez, la plata dl sepolcher y s'à sentà lessù. Si mus lujova sche l tarlui y si guant fova blanch sche la nëif. La guardies tremova dala tëma y ie tumedes via per tiera, sche les fossa states mortes. Dala medema ëura jiva de bona ëiles devotes ora a crì l sepolcher de Gejù. Les fova per jì a mbalsamé l corp de Gejù. Canche chësta ëiles ie ruvedes dlongia, à ëiles udù, che la fossa fova davierta. Y n angiul à dit ad ëiles: "Vo jëis a crì Gejù da Nazaret, che ie unit metù sula crëusc. Ël ne n'ie plu tlo, ël ie ressuscità. Jide śën y dijëde chësc a si sculeies y a Piere!"