Poglědajśo na leluje na polu
| nadpis | Poglědajśo na leluje na polu |
|---|---|
| awtor | Hajndrich Warko |
| lěto | 1869 |
| žrědło | Łužičan, No 10/1869 b. 73 |
| licenca | public domain |
| nota | nowy pšawopis |
Na polu rědna leluja,
Chto w takej kšasnosći
Śi pśed wocy mě postawja,
Chto śi tak wupyšni?
Chto běłe drasćenje śi da
Ze złotom wobsete,
Až kšasnosć Salomonowa
Pśed tobu chowa se?
Bog sam jo tak śi zwoblekał
A śi tek' woplewa,
Wón kóždu noc jo pśiposłał
Śi z njebja janźelka.
Wón drastu, w rosy pełkanu,
Śi sušy na wětše
A běli ju na słynašku,
Až kšasnje błyšćiš se.
Na pola rědna leluja,
Z twojeju rědnosću
Sy mě ak' pśikład stawjena;
Wot tebje wuknuś chcu.
Ту, wjelgi rědna leluja,
Tu pšawu mudrosć maš:
Ту mysliš, kenž mě narosć da,
Chco mnjo tek’ zastaraś.
(Z nimskego)
| nadpis | Poglědajśo na leluje na polu |
|---|---|
| awtor | Hajndrich Warko |
| lěto | |
| žrědło | |
| licenca | public domain |
| nota | stary pšawopis |
Na polu rědna leluja,
Chto w takej křasnosći
Śi před wocy mě postawja,
Chto śi tak hupyšni?
Chto běłe drasćenje śi da
Ze złotom hobsete,
Až křasnosć Salomonowa
Před tobu chowa se?
Bog sam jo tak śi zhoblekał
A śi tek' hoplewa,
Wón kóždu noc jo připosłał
Śi z njebja janźelka.
Wón drastu, w rosy pełkanu,
Śi sušy na wětře
A běli ju na słynašku,
Až křasnje błyšćiš se.
Na pola rědna leluja,
Z twojeju rědnosću
Sy mě ak' přikład stawjena;
Wot tebje huknuś chcu.
Ту, wjelgi rědna leluja,
Tu přawu mudrosć maš:
Ту mysliš, kenž mě narosć da,
Chco mnjo tek’ zastaraś.
(Z nimskego)