Saam 91

1 Im we tan ina di siikrit plies a di Muos Ai wi lib anda di sheda a di Almaiti.
2 Mi wi se bout di Laad, Im a mi refiuj ah mi faachris, mi Gad, mi wi chos ina Im.
3 Fi soertn Ih wi kip yu frah di kalaban, ah frah di naizi pestilens.
4 Ih wi kiba yu wid Ih feda, ah anda Ih wing yu wi chos. Ih chuut ago bi yu shiil ah bokla.
5 Yu naa fried fi di tera a nait; nar fi di haro we flai a die;
6 Nar fi di pestilens we waak ina daaknis; nar fi di dischokshan we kom a migldie.
7 Wan touzn wi jrap a yu said, ah ten touzn pah yu rait an, bot inaa kech yu.
8 Onggl se wid yu yaidem yu wi nuotis ah si di riwaad we di wikid get.
9 Far bikaazn yu tek di Laad, uu a mi refiuj, iibm di Muos Ai, fi yu yaad.
10 No hiivl kyaah kech yu, niida no plieg kyaah kom nier yu yaad.
11 Far Ih wi put Ih ienjeldem inchaaj uoba yu, fi si yu chuu aal di wie.
12 Deh wi lif yu op ina deh andem, enda yu frah likop-likop yu fut gens raktuon.
13 Yu wi tep pan di layan ah di gialawas: di yong layan ah di jragan yu wi mash wid yu fut.
14 Bikaazn ih set ih lob pah Mi, Mi wi sieb im: Mi wi set im op ai, far ih nuo Mi niem.
15 Ih wi kaal Mi ah Mi wi hansa: Mi wi de wid im ina chobl; Mi wi sieb im ah hana im.
16 Mi wi satisfai im wid lang laif ah shuo im Mi salvieshan.