Se̿ng-géng/Mǎ-tuo̿i Hŭ-éng/26
Di̿ 26 Cióng
[edit]- 1 Iǎ-Sú iǒ̤ng duói dī uā làu, ciu iáu hǎ-sáing ua,
- 2 Nì dǎ̤-dí gua̿ liòng góng ciū-sī gua̿-mô̤ng-tê gâ̤ cǎi-ki̿, nêng gâ̤ Gṳ̌ing ci ŏ̤ nǎ nêng gáu ko̤̿ da̿ing-sǐ da̿u sí-cī-ga̿.
- 3 Iǒ̤ng-gǎ̤-sǐ, duōi ci̿-sí, nāng-sṳ́ nêng, iáu bă-sia̿ng dǐ-bíng gâ̤ chîng-bo̿, dú cṳ̀ da̿u děng duōi ci̿-sí, Gái-ngā-huǎ gâ̤ ngâ-mô̤ng-di̿.
- 4 Câi-câi sióng-liông sǎ̤ sū-mū gi̿-chǎ̤ nà-diū Iǎ-Sú, huōi-sǐ gṳ̀.
- 5 Hē-mṳě ǐ gō̤-uā, Gua̿-cǎi gâ̤ sî-hē ēng gǒ̤ng nà gṳ̀, giáng-pa̿ bă-sia̿ng ŏ̤ cǒ̤ huǎing.
- 6 Iǎ-Sú ka̿ing-ka̿ing da̿u Bǎ-duōi0nǐ, bāng-tuǒi Sái-mô̤ng chio̤̿-di̿ cō dǒ̤,
- 7 Iǔ cì-ciă á-niông-nêng dé-siū ngṳ̀-hō̤-ciě, dó̤ng-diū děng dì-cîng gâ̤ hióng iû, giǎng-ce̿ng lâ̤ nà hióng iû dǎu hā Iǎ-Sú gâ̤ tê-di̿.
- 8 Hǎ-sáing chū-gi̿ng, ciū nău-nū kǐ lâ̤, Ca̿-sū-dī iǒ̤ng-gǎ̤-sǐ cá-tă?
- 9 Iǒ̤ng hióng iû ŏ̤ māi-dă̤ cèng cāi cîng, dé lâ̤ kāng-nīng gê̤ng-mău gâ̤ nêng.
- 10 Iǎ-Sú dǎ̤-dí gṳ̀ gâ̤ séng-i̿, ciū uā, Nì ca̿-sū-dī nûing-ṳ̆ iǒ̤ng á-niông-nêng, gṳ̀4 iáu uòi iǒ̤ng-gǎ̤-sǐ ca̿ sī dĕng hău gâ̤ dī.
- 11 Éng-ṳē gê̤ng-mău gâ̤ nêng dŏ̤ng-giŭ iáu nì câi cì-dó, uòi mài dŏ̤ng-giŭ iáu nì câi cì-dó.
- 12 Iǒ̤ng á-niông-nêng nà hióng iû da̿u hā uòi séng-di̿ sī ta̿i uòi o̿-do̿ co̤̿ng-dĕ̤ng gâ̤ dī.
- 13 Uòi ì-cài iáu nì uā, Tóng-tíng-à mǎu-lō̤ng sū-mū sù-cài iǔ nêng gŏ̤ng iǒ̤ng hǎu gâ̤ se̿ng-sĭ iǎ ŏ̤ uā kĭ iǒ̤ng á-niong ca̿ gâ̤ dī, nă nêng gi̿-diū gṳ̀.
- 14 Sí-nī-ciă hǎ-sáing dĭ-bíng iǔ cì-ciă Gá-liŏ̤ nêng, miâng hăng Iŭ-duōi, iŏ̤ng-cì-sî ko̤̿ gi̿ng duōi ci̿-sí.
- 15 Uā, Nì kăing chṳ̆ uòi gĭ-duói cîng, uòi ciū nà gṳ̀ gáu nă nì? Duōi ci̿-sí ciū do̿ sáng-sī-tī ngê̤ng nă gṳ̀.
- 16 Giăng iǒ̤ng sî-hē kĭ Iŭ-duōi ciū dăing iǔ hō̤-sĭ nà Iǎ-Sú gáu nă gṳ̀.
- 17 Iè mău-bṳ̆-biăng gâ̤ căi-ki̿, tê cì góng hǎ-sáing giăng-ce̿ng lâ̤, mōng Iǎ-Sú uā, Nì o̿ uòi da̿u nī-dī ta̿i nì bāing gua̿-mô̤ng-tê căi gâ̤ ciŭ?
- 18 Iǎ-Sú uā, Nì ko̤̿ sêng-dǐ da̿u mĕ nêng chio̤̿-di̿, iáu gṳ̀ yua, Síng-Sáing uā, Uòi gâ̤ sî-hē tău da̿u; uòi iáu hǎ-sáing hā nì chio̤̿-di̿, iè iǒ̤ng gua̿-mô̤ng-tê căi gâ̤ ciŭ.
- 19 Hǎ-sáing í Iǎ-Sú gáu-dō gṳ̀ gâ̤ dī ko̤̿ ca̿; ciū bāing gua̿-mô̤ng-tê căi gâ̤ ciŭ.
- 20 Da̿u o̤̿ng-bíng-ciĕ, Iǎ-Sú iáu sí-nī-ciă hǎ-sáing câi cō dŏ̤.
- 21 Dō̤-di̿ iè gâ̤ sî-hē, Iǎ-Sú ua, Uòi ì-cài iáu nì uā, Nì dǐ-bíng iǔ ciǎ nêng ŏ̤ nà uòi māi-tiāu.
- 22 Hǎ-sáing ciū cèng ki̿, ciǎ dú mōng Iǎ-Sú uā, Cṳ̌ sī uòi, ēng sī?
- 23 Iǎ-Sú a̿ing uā, Iáu uòi câi sṳ́ing siŭ hā bûing-di̿ dáing mî-dī iè , ciū-sī iǒ̤ng ciǎ nêng ŏ̤ māi uòi.
- 24 Cia̿u-diū se̿ng-géng gi̿-diū uā gṳ̀ gâ̤ dī, nêng gâ̤ Gṳ̌ing cŏng ŏ̤ gua̿-si̿: lâ̤-sī ǔ ciă māi gṳ̀ gâ̤ nêng iǔ huā da̿u iǒ̤ng nêng da̿u-bú-ṳ̆ mo̿ chṳ̆-si̿ ga̿ing hău.
- 25 Māi Iǎ-Sú gâ̤ Iŭ-duōi mōng gṳ̀ uā, Síng-Sáing, sī uòi ēng sī ? Iǎ-Sú uā, Cia̿ng-sī.
- 26 Dō̤-di̿ iè gâ̤ sî-hē, Iǎ-Sú nà-diū cì-tī biăng, uā do̿-ciā, iĕ-kṳé, bṳ́ing nă hǎ-sáing, uā, Nì dé ko̤̿ iè; iǒ̤ng sī uòi gâ̤ séng-tĭ.
- 27 Ĭ nà-diū cì-tē é, uā do̿-ciā, pŏng nă hǎ-sáing , uā , Nì dú niōng chṳĕ.
- 28 Iǒ̤ng sī uòi gâ̤ huăi, ciū-sī iŏ̤-diāng-gṳ́ gâ̤ dī gâ̤ huăi, ta̿i cèng cāi nêng lâu chṳ̆ lâ̤ cò ciu sia̿-dă̤-tiāu.
- 29 Uòi iáu nì uā, Giâ-gíng à ko̤̿ uòi ēng cuo̿i iè iǒ̤ng bǔ-dǎu gâ̤ cĭ, niōng dăing ŭ nì-ciě da̿u uòi Dá gŏ-di̿, uòi iáu nì iè séng bǔ-dǎu gâ̤ cĭ.
- 30 Chio̿ng-sí làu, Iǎ-Sú iáu hǎ-sáing chṳ̆ sêng ko̤̿ Gāng-lăng súing.
- 31 Iǎ-Sú ciū iáu hǎ-sáing uā, Géng-diáu o̤̿ng-mâng nì dú ŏ̤ uā uòi sī huōi nì iǔ gua̿-ngāi gâ̤ dī: éng-ṳē se̿ng-géng gi̿-diū uā, Uòi ŏ̤ mà ia̿ng-iông gâ̤ nêng, cì bó̤ng gâ̤ iông dú ŏ̤ su̿ing-tiāu.
- 32 Dăing uòi hŭ-sáng kǐ lâ̤, uòi ciū ŏ̤ da̿u nì tê-chîng ko̤̿ Gá-lī-lī .
- 33 Bǐ-dǎ̤ a̿ing gṳ̀ uā, Duōi-gá-nêng mŏng uā nì sī huōi gṳ̀ iǔ gua̿-ngāi, uòi ě̤ng-ṳ̌ing mài uā nì sī huōi uòi iǔ gua̿-ngāi.
- 34 Iǎ-Sú uā, Uòi ì-cài iáu nì uā, géng-diáu o̤̿ng-mâng, gái gu̿ ēng-nǎing ĕ, nì cŏng ŏ̤ sáng-lê̤ng ēng kăing nēng uòi.
- 35 Bǐ-dǎ̤ a̿ing uā, Uòi ciū-sī niōng iáu nì câi sĭ, dú ŏ̤ nēng nì . Biē gâ̤ hǎ-sáing iǎ dú sī iǒ̤ng-gǎ̤-sǐ uā.
- 36 Hē-mṳě Iǎ-Sú iáu hǎ-sáing da̿u cì-ciă sù-cài hăng ca̿ Kă-sái-mă-nĭ, Iǎ-Sú ciu iáu hǎ-sáing uā, Nì-huōi-nêng cō hā iǒ̤ng-di̿ , dăing uòi ko̤̿ ŭ-bíng gǐ-dǎu.
- 37 Ciū iáu-diū Bǐ-dǎ̤ gìng Sái-bĭ-tuo̿i gâ̤ liòng-ciă gṳ̌ing câi ko̤̿, Iǎ-Sú ciū ki̿ dă̤-hăing sióng-séng kǐ lâ̤,
- 38 Iáu gṳ̀ uā, Uòi séng-dĭ cèng ki̿, tău ki̿-sĭ: nì hā iǒ̤ng-di̿ dăing iáu uòi câi chíng-chăng.
- 39 Ciū giăng iòng ko̤̿ gĭ bū káu, pŭ hā diá-di̿, gǐ-dǎu, uā, Uòi Dá, lâ̤-sī ēng niōng bĕng uòi o̿ gâ̤, niōng bĕng nì o̿ gâ̤.
- 40 Ciū da̿u hǎ-sáing ǔ-di̿, chū-gi̿ng gṳ̀ mì-chĭ-diō̤, ciū iáu Bǐ-dǎ̤ uā, Nì gōng-ciōng mău-năing-ge̿ iáu uòi câi chíng-chăng cì-kă̤-cie̿?
- 41 Niōng chíng-chăng gǐ-dǎu, săng-dă̤ pōng-diō̤ chi̿ n gâ̤ dī nă gṳ̀ mî-ko̤̿-tiāu: séng-dĭ ì-cài sī gó̤ng-ngṳ̄ing, lâ̤-sī séng-tĭ cèng nṳ̆ing.
- 42 Iǎ-Sú di̿ nī lê̤ng ĭ ko̤̿ gǐ-dǎu, uā, Uòi Dá, uòi lâ̤ mài mĭng-tiāu iǒ̤ng cì é, cŏng niōng uòi chṳĕ, ciū niōng cia̿u-diū nì gâ̤ séng-i̿ ca̿.
- 43 Cuo̿i da̿u-tê lâ̤, ĭ chū-gi̿ng hǎ-sáing mì-chĭ-diō̤, éng-ṳē gṳ̀ mì-ciú cèng să̤ năng ēng kǐ lâ̤.
- 44 Ĭ giăng hǎ-sáing ǔ-di̿ ko̤̿, di̿ sáng lê̤ng gǐ-dǎu, uā gâ̤ dī iáu tê-chîng ǐ-búing.
- 45 Hē-mṳě ĭ da̿u hǎ-sáing ǔ-di̿, iáu gṳ̀ uā, Giâ-gíng nì mŏng úing-lò̤-lò̤-di̿ mì-chĭ: sî-hē tău da̿u, nêng gâ̤ Gṳ̌ing nă nêng māi da̿u cò-nêng gâ̤ siŭ-di̿.
- 38 Iáu gṳ̀ uā, Uòi séng-dĭ cèng ki̿, tău ki̿-sĭ: nì hā iǒ̤ng-di̿ dăing iáu uòi câi chíng-chăng.
- 39 Ciū giăng iòng ko̤̿ gĭ bū káu, pŭ hā diá-di̿, gǐ-dǎu, uā, Uòi Dá, lâ̤-sī ēng niōng bĕng uòi o̿ gâ̤, niōng bĕng nì o̿ gâ̤.
- 40 Ciū da̿u hǎ-sáing ǔ-di̿, chū-gi̿ng gṳ̀ mì-chĭ-diō̤, ciū iáu Bǐ-dǎ̤ uā, Nì gōng-ciōng mău-năing-ge̿ iáu uòi câi chíng-chăng cì-kă̤-cie̿?
- 41 Niōng chíng-chăng gǐ-dǎu, săng-dă̤ pōng-diō̤ chi̿ n gâ̤ dī nă gṳ̀ mî-ko̤̿-tiāu: séng-dĭ ì-cài sī gó̤ng-ngṳ̄ing, lâ̤-sī séng-tĭ cèng nṳ̆ing.
- 42 Iǎ-Sú di̿ nī lê̤ng ĭ ko̤̿ gǐ-dǎu, uā, Uòi Dá, uòi lâ̤ mài mĭng-tiāu iǒ̤ng cì é, cŏng niōng uòi chṳĕ, ciū niōng cia̿u-diū nì gâ̤ séng-i̿ ca̿.
- 43 Cuo̿i da̿u-tê lâ̤, ĭ chū-gi̿ng hǎ-sáing mì-chĭ-diō̤, éng-ṳē gṳ̀ mì-ciú cèng să̤ năng ēng kǐ lâ̤.
- 44 Ĭ giăng hǎ-sáing ǔ-di̿ ko̤̿, di̿ sáng lê̤ng gǐ-dǎu, uā gâ̤ dī iáu tê-chîng ǐ-búing.
- 45 Hē-mṳě ĭ da̿u hǎ-sáing ǔ-di̿, iáu gṳ̀ uā, Giâ-gíng nì mŏng úing-lò̤-lò̤-di̿ mì-chĭ: sî-hē tău da̿u, nêng gâ̤ Gṳ̌ing nă nêng māi da̿u cò-nêng gâ̤ siŭ-di̿.
- 46 Kǐ lâ̤, iáu uòi câi ko̤̿: māi uòi gâ̤ nêng chá-bŭ-dó̤ da̿u.
- 47 Dō̤-di̿ uā dī gâ̤ sî-hē, sí-nī-ciă hǎ-sáing dǐ-bíng gâ̤ Iŭ-duōi iáu-diū cèng cāi nêng nà-diū dáu, châu-tṳ̂, sī giăng duōi ci̿-sí iáu bă-sia̿ng dĭ-bíng gâ̤ chîng-bo̿ ǔ-di̿ lâ̤.
- 48 Ŭ ciǎ māi Iǎ-Sú gâ̤ nêng sáing nà cì-ciă o̤̿ng gi̿-nēng nă duōi-gá nêng, uā, Uòi iáu sū nêng mĭ-cṳ̆, ciū-sī gṳ̀ , nì niōng nà-diū gṳ̀.
- 49 Iú-duōi ciū lâ̤ Iǎ-Sú mīng-chîng, uā, Síng-Sáing, Chiăng-úing, iáu gṳ̀ mĭ-cṳ̆.
- 50 Iǎ-Sú iáu gṳ̀ uā, Băing-iŭ, nì lâ̤ ca̿ sū dī, ciū mŏng ca̿. Ŭ duói nêng ciū giăng-ce̿ng hā-siŭ nà-diū Iǎ-Sú.
- 51 Iáu Iǎ-Sú cì-dó, dǐ-bíng iǔ cì-ciă nêng sṳ́ing siŭ, nà dáu bí chṳ̆ lâ̤, mà dĕng duōi ci̿-sí gâ̤ nû-gě, uăi-tiāu gṳ̀ cì-ciă nèng-ciĕ.
- 52 Iǎ-Sú iáu gṳ̀ uā, Nà nì gâ̤ dáu chă hā sia̿u-di̿: éng-ṳē mǎu-lō̤ng sū-mū nêng nà dáu, dú ŏ̤ sĭ da̿u dáu à.
- 53 Nì ŏ̤-sī gō̤-siŏng uòi mău-năing-ge̿ giŭ uòi Dá, gṳ̀ iŏ̤ng-cì-sî iǎ ŏ̤ hăng sí-nī iâng lâing tíng ciōng sǎ̤-chṳ̄ gâ̤ à lâ̤ bó̤ng-cha̿ing uòi?
- 54 Lâ̤-sī iǒ̤ng-gǎ̤-sǐ ca̿, ŭ se̿ng-géng gi̿-diū uā, cŏng niōng iǔ iǒ̤ng gâ̤ dī, gōng-ciōng ŏ̤ gi̿ng-hāu nī?
- 55 Iǎ-Sú ciū iáu ŭ duói nêng uā, Nì dé-diū dáu, châu-tṳ̂ chṳ̆ lâ̤ nà uòi su̿-siōng nà chā̤ ǐ-búing? Uòi nì-nì cō da̿u dāing-di̿ háu nêng, nì gu̿ ēng nà uòi.
- 56 Lâ̤ iǔ iǒ̤ng-gǎ̤-sǐ gâ̤ dī, dú sī niōng gi̿ng-hāu síng-dí sṳ́-di̿ gi̿-diū gâ̤ dī. Iŏ̤ng-cì-sî hǎ-sáing dú piĕ-tiāu Iǎ-Sú cĕ ko̤̿-tiāu.
- 57 Nà Iǎ-Sú gâ̤ nêng ciū duo̿i gṳ̀ ko̤̿ dĕng duōi ci̿-sí Gái-ngā-huă gâ̤ ngâ-mô̤ng, nāng-sṳ́ nêng iáu chîng-bo̿ dú cṳ̀ da̿u ǔ-di̿.
- 58 Bǐ-dǎ̤ dàu-dàu-di̿ gáing-diū Iǎ-Sú da̿u dĕng duōi ci̿-sí gâ̤ ngâ-mô̤ng-di̿ ko̤̿, iáu chái-ià câi cō, o̿ chū iǒ̤ng dī gōng-ciōng-di̿ lâ̤4u-mṳĕ.
- 59 Duōi ci̿-sí iáu tóng góng-hō gâ̤ nêng lāu nêng ca̿ gă gâ̤ gúing-ce̿ng ga̿u Iǎ-Sú, hău huōi-sĭ gṳ̀.
- 60 Ciū mŏng iǔ cèng cāi nêng lâ̤ ca̿ gă gâ̤ gúing-ce̿ng, dú mău cì-iōng gúing-ce̿ng ga̿u dă̤ gṳ̀. Hē-mṳě iǔ liōng-nêng lâ̤, uā,
- 61 Iǒ̤ng ciă nêng chîng-mâng uā-gua̿, Uòi iǔ-năing-ge̿ miè-tiāu Ciōng-Di̿ gâ̤ dāing, sáng góng-di̿ ĭ kṳé kǐ lâ̤.
- 62 Dĕng duōi ci̿-sí ciū gṳè kǐ lâ̤, mōng Iǎ-Sú uā, Nì dú mău dī a̿ing, iǒ̤ng nêng ca̿ gúing-ce̿ng ga̿u nì gâ̤ sī sū-mū dī?
- 63 Iǎ-Sú dú ēng ca̿ siáng. Dĕng duōi ci̿-sí ĭ iáu gṳ̀ uā, Uòi hăng nì da̿u ě̤ng-ṳ̌ing sáng gâ̤ Ciōng-Di̿ mīng-chîng ciū-chṳ̿ iáu uôi-huōi-nêng uā, nì sī Ciōng-Di̿ gâ̤ Gṳ̌ing Gí-Dǔ ēng sī?
- 64 Iǎ-Sú uā, Cia̿ng-sī: uòi ĭ iáu nì uā, Hē-lǎi nì ŏ̤.......