Se tu bràmis formà, famos Bombel

by Ermes di Colloredo

Al Sig. Cavaliere S. B., che andava formando il ritratto di bella Donna.

SONETTO

SE tu bràmis formà, famos Bombel,
Da l'adorabil Silvie il biel ritrat,
Fai prime di to man che un furt sei fat,
Robe i rais al Soreli, e fai 'l penel.

Che par ritrai di un Paradis il biel
Il to penel divin cajù è sol at,
E sol po' dà a la bochie e al voli a un trat
E la favele a cheste, e il moto a chel.

Par imità il color dal biel sembiant
Ti dèi la Primevere ogni so flor,
E l'Iride ti mandi il so biel mant.

Ma se tu vus formà cun je il miò amor,
Chiol chel color funest cu va stemprant
In tes lagrimis mes il so rigor.