Sounet a las gens galantos.
Sounet a las gens galantos.
Messus, ieü souy marrit que las gens fantastiquos
Me troublou de rima, beléü b'abéts saügut ?
Mas ieü n'entendi pas d'abe moun tens perdut;
Car las rimos que faü nou soun pas heretiquos.
Ieü aymi may rima que fa de prounestiquos,
Et dels satges ieü souy cent cox milhou vengut.
Nou ses caüso, Messus, car Diou a defendut
De fayre d'almanachz et d'ezuros publiquos.
Ieü laissi lour ezuro et lour prounestiqua.
De tal troumpur mestié nou me voli fiqua;
Touts lous que fan aquo mal de pipos lous vire;
Car lour prounestiqua et l'ezuro qu'els fan,
Se fa per fa mouri las paüros gens de fam,
Et ieü n'éy fach aysso sinoun que per fa rire.