T' urt
T' urt.
Plën de ciöf, o bela möta,
dlungia te dër bel florësc.
Prësc corida este döta.
Encër te sö les lilies crësc.
Chël co ciafa na te flu,
döt le bel se goda su.
Trep amur le ciöf adora,
ól gní bel y plën d' odur.
Ma na flu de cöstes sora
costa en cör de ver amur.
Chël co tol na flu da me,
Vënn dal cör la liberté.
Essi mile cörs ten iade,
por na resa iu t' ai dess.
Te mio cör y te mia vita
iu por te morí oress!
Vita y cör a me mo daste,
düc i ciöf a te te dái.
Reses desflorësc naota,
nosc amur mo fin n' á mai.
Ligrëzes y tristëzes
orun adöm gropé,
y empede les richëzes
tla gherlanda flus ciolé.