tan jan Beatrix Potter ante pi toki pona tan jan Ke Tami
[ 514 ][ 515 ]tenpo wan la, akesi li lon. nimi ona li Kalasa. tomo ona li lon telo, li poka e kasi pi supa telo, li lon selo telo.
[ 516 ]monsi tomo en tomo pi awen moku la, telo li lon.
taso akesi Kalasa li pilin pona tan telo lon noka; toki ike li kama ala tawa ona tan ni. sijelo ona li kama ala ike tan ni.
[ 517 ][ 518 ][ 519 ]ona li pilin pona a. ona li lukin tawa ma, li lukin e kama telo tan sewi, e anpa telo lon telo anpa—
[ 520 ]akesi Kalasa li toki: "mi kama jo e pipi ko pi kama kala. mi tawa alasa kala. mi alasa e kala moku pona. mi kama alasa e kala luka wan anu kala pi mute suli ante la, mi kama e akesi pona mi Majunanpa e akesi pona mi Omekapon. taso akesi Majunanpa li moku e kasi taso."
[ 521 ][ 522 ][ 523 ]akesi Kalasa li kepeken len awen pi weka telo, li kepeken poki noka awen pi weka telo. ona li jo e ilo alasa ona, e poki ona. ona li tawa poki tawa ona, li tawa kepeken tawa sewi suli.
[ 524 ]poki tawa ona li sike pona, li laso sama kasi poka. linja li awen e ona lon kasi lon telo insa.
[ 525 ][ 526 ][ 527 ]akesi Kalasa li kama jo e palisa kasi, li tawa e poki kepeken palisa. ona li toki: "mi sona e lon telo pona tawa kala moku pona."
[ 528 ]akesi Kalasa li insa e palisa lon ko ma, li linja awen e poki lon ona.
[ 529 ][ 530 ][ 531 ]ni li pini la, akesi li lape e noka ona e monsi ona, li nasin e ilo alasa ona. ilo la, palisa li tan kasi anpa. kin la, linja li linja walo suli wan tan soweli suli tawa, li sama kon tawa lukin. akesi li awen e pipi pi kama kala lon linja. linja la, pipi ko ni li tawa.
[ 532 ]telo li awen kama tan sewi, li kama lon monsi akesi. akesi li awen lukin e ilo ona lon tenpo suli.
akesi Kalasa li toki: "ni li kama e pilin lape. mi wile moku."
[ 533 ]ona li tawa sin e poki, li tawa kasi lon telo, li open e poki moku.
akesi Kalasa li toki: "mi moku e pan pipi. telo li pini e kama anpa la, mi awen."
[ 534 ][ 535 ][ 536 ]pipi telo suli li kama lon anpa ona, li luka kiwen e poki noka ona wan.
akesi Kalasa li lili e noka ona, li weka e noka tan pipi, li awen moku e pan.
[ 537 ]tenpo la, kalama en tawa en kalama en tawa li kama tan poka telo, li pana e kalama kasi, e kalama telo.
akesi Kalasa li pilin e ni: "ni li soweli lili ala. a, mi o tawa tan ni."
[ 538 ][ 539 ][ 540 ]akesi Kalasa li tawa lili sin e poki tawa, li anpa e moku pi kama kala. tenpo lili taso la, jo li kama lon moku! poki li kama tawa wawa a.
akesi Kalasa li kalama: "kala moku! kala pona! mi jo a! mi jo!"
[ 541 ]taso ike li kama! ni li kala moku pona ala. ni li kala lili ala! ni li kala Kipisike! palisa lili utala li lon selo sewi ona!
[ 542 ][ 543 ][ 544 ]kala li tawa mute e sijelo ona lon poki, li utala, li utala. wawa ona li kama lili tan telo ala la, ona li tawa telo.
[ 545 ]kala ante lili mute li kama e lawa ona tan telo, li lukin, li mu tan pilin musi ona lon pakala pi akesi Kalasa.
[ 546 ][ 547 ][ 548 ]akesi li awen lon selo pi poki ona, li awen pilin ike. luka ona li pilin ike la, akesi li uta pona e luka, li lukin e telo. ni la, ike pi suli mute li kama a. akesi Kalasa li jo ala e len awen la, ike ni li ken pakala wawa a, taso ona li jo!
[ 549 ]kala pi suli mute a li kama tan telo—lon ka-la-ma wawa—li jo wawa e akesi Kalasa lon uta. akesi li mu: "ike! ike! ike!" kala li awen tawa telo, li tawa anpa suli telo!
[ 550 ][ 551 ][ 552 ]taso len awen li ike tawa uta pi kala suli la, kala li weka e akesi tan jo lon tenpo lili; kala li kama moku e poki noka taso pi akesi Kalasa.
[ 553 ]akesi li kama lon sewi telo, sama sike kon lon telo; ona li tawa selo ma kepeken wawa ale ona.
[ 554 ][ 555 ][ 556 ]lili la, ona li kama lon ma poka. ona li tawa tomo ona kepeken tawa sewi suli. len ona li pakala.
[ 557 ]akesi Kalasa li toki: "a, pona la, kala ni li suli ante ike ala! ilo alasa mi en poki moku mi li weka, taso ni li suli ala tan ni: alasa kala li ike tawa mi la mi o alasa ala e kala."
[ 558 ][ 559 ][ 560 ]ona li pona e luka ona kepeken selo pona. akesi pona ona li kama lon moku. ona li ken ala pana e kala, taso ijo ante li lon tomo pi awen moku.
[ 561 ]len pi akesi Omekapon li pona pimeja, li pona pi jelo suno.
[ 562 ][ 563 ]akesi Majunanpa li jo e kasi lipu lon poki len ona.
[ 564 ][ 565 ][ 566 ]kala ala la, moku akesi li pipi laso pona tan seli, li ko tan pipi loje; moku ni li pona mute a tawa akesi; taso ona li moku jaki a tawa mi!
pini
This work is available under the Creative CommonsCC0 1.0 Universal Public Domain Dedication. The person who associated a work with this deed has dedicated the work to the public domain by waiving all of his or her rights to the work worldwide under copyright law, including all related and neighboring rights, to the extent allowed by law. You can copy, modify, distribute and perform the work, even for commercial purposes, all without asking permission.
